Tuesday, March 17, 2009

Hashi




بعد ليل جميل مع فيصل نرد البيت تعبانين أنا أروح داري انام وفيصل يتصفح أوراقه
نمت 27 ساعه بدون احساس والسبب إرهاق وتعب , فيصل يطل علي مخترع من نومتي يشوفني أتقلب بفراشي يرتاح ويرجع يسكر الباب
أقوم من نومي أغسل و ألبس أطلع من غرفتي الشقه هدوووء مافي أحد
ألتفت يمين يسار مافي حس
أروح أخذلي عصير أقعد يم الدريشه اتأمل الجو
يوه يوه يوه وليد يلعب كرة سلة بروحه
انسى الجو وأشوف وليد
ترن ترن ترن تليفوني يدق
أنا: ألو
دلول: ألووووووووووو ندويوه وويعه ويييينج ناسيتني مو قايله طمنيني عليج
أنا: دلوووووووله ولهت علييييييييييج سوري حبيبتي لهيت مع فيصل ووليد
دلوله: وليد منو وليد.؟
أنا: دلولوووه وليدوووه الأسباني صاحب المارشملوا
دلوله: حلفي شجابه لكم ؟
أنا: لووووووووول بالصدفه وليد رفيج فيصل الروح بروح
دلال: اهوا ساكن عندكم
أنا: يمنا
دلال: وانتي للحين شطانه معاه ؟
انا: للحين مختبصه مادري شسوي متفشله حدي من الموقف
طوط طوط طوط
فجأه ينقطع الاتصال أرد اتصل و لا أحصل الخط
أرد اتأمل بوليد
وليد يسحر بجماله وبثقله وعلى كلام فيصل انه مو صاحب نسوان وما ينخاف منه
أيييييييييه ياوليد لو دلول هني ما خلتك تلعب بروحك
اروح احوس بالشقه اسمع باب الشقه يتبطل ألتفت يطلع وليد
وليد: صح النوم
أنا: مساء الخير وين فيصل
وليد: فيصل راح مشوار وراجع ان شاء الله
أنا: ابي أروح المول احتاج اغراض
وليد: يالله انا اوديج
أنا: لا لا لا شكرن انطر فيصل
وليد: احتمال يتأخر ,, دقايق أبدل و نروح سوا
أنا: أوكي
نص ساعه يلبس وانا أتحلطم (( شيسوي كل هاذا تبديل لو أنها عروس خلصت ))
وليد: تأخرت
أنا: لا أبد ما حسيت بالوقت
بالطريق ناس تسوي رياضه و ناس تمشي حيواناتها وناس رايحه لشغلها
أنا: أبي كاكاو
وليد: شوفي ركن الكاكاو هناك
أنا: أبي فراوله
وليد: تعالي كاهي الفراوله
أنا: أبي كريمه مخفوقه و كيكة كاكاو
وليد: انزين نسأل عنهم ,, خلصتي
أنا: بعد أبي ..أأأأأ.. .... ماا... مارشملوا
وليد يطالعني ويبتسم وأنا أكلم نفسي (( هييييه لا تطالعني جذييييييي وخزيتااااه ))
رجعنا للبيت



فاااااااااصل إعلااااني

إلى كل طبيب أسنان ما عندكم مخدر غير أبر البنج
ضروووسي تعورني وفكي ما اقدر أحركه و السبب ابرة بنج
أأأأأأأأأأأأأأأأأأأي يسنااااني



فيصل: وليد تراه بتجننك
وليد: لا عادي تعودت عليها
أنا عيوني تزقلل و تطالع وليد خوفا من فيصل لا يكتشف لغز معرفتي السابقه فيه
فيصل: بكره اجتماع
وليد : زين نطلع سوا
أنا: وأنا وين أروح
وليد وفيصل يلتفتون على بعض
فيصل : تروحين معانا
وليد: ونتغدا سوا بعد الاجتماع
فيصل: بس انا مشغول بعد الاجتماع
وليد: خلاص نطلع انا و ندى اذا تحب
فيصل: اي مو مشكله عندي اذا ندى راضيه
أنا بتفكير اممم طلعه ثانيه مع وليد : اي اوكي المهم اطلع
و صباح يوم الاجتماع نقزت من الساعه 8 مادري شنو ألي مصحيني بدري ومادري ليش احساسي بالفرح
أفتح الدريشه يدخل الهوا استنشق نسيمه
ألبس على عجل أطلع من باب غرفتي أشوف وليد
وليد: صباح المارشملوا
أنا و خدودي حمرا : صباح الخير
الله شنو هاذا عصير,, انت مسويه
وليد: ايه ذوقيه
أنا: امممم ماااصخ << الصراحه كان حلو بس ما هان علي امدح فيه
وليد: يمكن ينطرج تزيدينه انتي سكر (( هيييييييييه خيييير قال مش بتاع نسوان قااال ))
بخجل أقلب الموضوع وين فيصل طلع بعد
وليد: اي سبقنا
أنا: صاير عجول ما ينطر احد
وليد: لا تلومينه دراسه و شغل زين يلقى وقت يرتاح فيه
أنا: اوكيه نطلع عشان نلحق عليه
وليد: عطيني 10 دقايق ألبس
ال 10 صارت 45 (( يااااااااربييييييه ودي أعرف شيسوي هاذا لو انه نبيه تحط ميك اب كم بياخذ ))
وليد: يالله نطلع تأخرت عليج
أنا: لا ابد كنت احوس ولا حسيت بالوقت
وليد: معليه ندى أنا أتاخر شوي
أنا: ليييييه ؟؟ <<< لقاافه
بالطريق تكلمنا عن كل شي ( النظافه , الحريه , النظام , الناس , الفرقات , الدين )
وصلنا قاعة الاجتماعات ولقينا فيصل بالمدخل
فيصل: تأخرت يا وليد
وليد: أسف بس السير كان بطيء
فيصل: يالله خلنا ندخل
انا: وأنا وين أقعد
وليد: تعالي معانا
فيصل يوافق وليد على عجل
دخلنا قاعة الاجتماعات وأول مره احضر اجتماع بحياتي جلوس الحضور واضح منه الرقي
شوي شوي بدا يحتد النقاش وأنا ساكته زي الاطرش بالزفه فيصل يتناقش بحده مع المدير وليد يتصفح الاوراق ويرفع عينه يطالع عيني وانا جني مو منتبهه لنظرته يدخل وليد بالنقاش يطرح اسئله ذكيه و بنود قويه يسال أسئله جوهريه و يطلب البنود للاستناد عليها يعصب ويرد يهدا بسرعه
فيصل : ندى تبين تشربين شي
أنا: لا ثااانكيو
يلتفت وليد عينه علي واهو يتكلم مع الاعضاء الموجودين
ألتفت له وأبتسم أخذ ورقه من الموجودين أقراها يعني بفهم شي لكن تجاهل لنظرات وليد
وليد: ندى ممكن تعطيني الورقه ألي معاج
أنا: ها ... اي هاك
وليد يقراها بتمعن (( ألحين الورقه ما طلعت مهمه ألا لما مسكتها ))
ينتهي الاجتماع وفيصل يلهى مع المدراء
نتفق أنا وليد نتغدا و فيصل يلحقنا
نوقف عند مطعم Zuma
وليد: تحبين الاكل الياباني
أنا: اييي احب السوشي
وليد: اممم شرايج تتغدين اليوم على ذوقي
أنا: اممم اوكي بس اذا ما عجبني اطلب انا غدا ثاني لي
وليد: اتفقنا
وليد يتعامل معاي وكأنه ناسي شطانتي معاه من قبل كل ما اتذكره استحي اطالع فيه
نتغدا والأطبااق كانت لذيذه لذيذه لو مو العيبه طلبت اكثر بعد
أنا: مااا أعرف أكل بهالاعواااد
وليد: انا أعلمج ,, عطيني ايدج
أنا مستحيه : هاا لا خلاص مابي
وليد: عطيني ماراح أكلج
ياخذ ايدي وليد يحط العود الاول على ابهامي يثني اصبعي السبابه و الوسطى ويحط العصا الثانيه داخلهم ويسندها فوق اصبعين البنصر والخنصر يشرح لي طريقة تحريك ايدي وان بلا شعور اسرح بعيونه حسيت بحنانه رغم قوة شخصيته
ينتهي وليد من شرحه بدون احساس مني ب نتهائه
وليد: بالياباني يسمون هالاعواد هاشي hashi
ساعة مرت مع وليد جنها دقيقه سوالفه كانت ممتعه جدا فيه روح المرح تعكس شخصيته الثقيله الرزينه
يدخل فيصل يأشر له وليد
فيصل: سبقتوني وتغديتم
وليد: يوعانين وين تبينا ننطرك على ذيك اللويه ما توقعناك بتلحق علينا
فيصل: اي والله هلكت اليوم , هااا ندويه عرفتي تاكلين بالهاشي
أنا: اييه و الفضل يرد لعم وليد
وليد: عم
فيصل: صرت عم يا وليد
سولفنا اكثر ضحكنا اكثر واكثر ,, يرن موبايل فيصل عمل طارئ يستاذن ويوصي وليد علي ويقولي اشوفج بالبيت اخيتي ويطلع
أنا: فيصل لاهي وايد
وليد: انت تعرفين انه فيصل بينهي شغل الوالد الله يرحمه هني عشان اذا تخرج يقدر يرجع للكويت وهوا مرتاح فهالسنه صعبه عليه شوي
أنا: اي قالي
وليد: في كوشك ايس كريم بنفس الشارع تبين
أنا: ياليت


إعلان تجاري

تبي تسأل ,, تبي تعلق تعليق خارجي ,, ودك تسولف ,, ودك تفضفض ,, ودك اب عاااايس كريم
كلمني اب دردشني
:P
يتبع

22 comments:

مش انا said...

متابع

مستمتع

وبانتظار البقية

ReLaaaX said...

ياااااااااااااااالله كمليييييييييهاااااااااااااااااا مااحب احد يعلقني ;p


زين عفورة قلبي انتي كملي حل الرسومااااااااات ادري حنانه :)

TruTh said...

عفرة ترى انا منصدمة

انتي متأكدة فيصل كويتي؟!!!

اخته تتغدى مع رفيجه و يوصلها بالسيارة و طايحينله سوالف !! و عااادي تيك ات ايزي عالآخر!!

الظاهر فيصل حده free kuwait
P:

ناطرة التكملة الظاهر اكو بلاوي زرقا بالطريج ويعطيج الف عافية :)

عفره said...

المجهول
حياك الله وان شاء الله تستمع بالبقيه ايضا

عفره said...

ريلاكس
بكملها ان شاء الله
و الرسومات دزيتهم وضحكي على رسمي جنه رسم يهال
:P:P

عفره said...

تروث
لوووووووول انا قلت جذي بعد
بس وليد رفيج فيصل حييل و يستأمنه على كل شي

القصه حقيقيه

نطري وشوفي التكمله

مش انا said...

حقيقية القصة صج !!!!

كبرياء وردة said...

اقولج شي وماتضحكين

انا قريت الجزء الأول ونسيت اسم مدونتج ونسيت اسوي سيف للنك

ويتني حالة قمت ادورها بس ماكو فايدة

الحين لقيتهااااااااااااا:D

يلا كملي

اوووبس نسيت

صباح الورد :$

Ahmed said...

أسلوب رائع في الكتابة .. ترى ينفع سيناريو .. ونسويه مسلسل .. بدال المسلسلات الخليجية .. اللي قصتها في الاخير وحدة .. وبناءها واحد

الا على فكرة .. انت كاتباها من اول ولا تكتبيها .. ولا الحين القصة ماشية؟

في كل الاحوال لو كنت انا وليد وقريت الكلام هذا الله يعين ندى "بلعب في حسبتها"

هههههههههههههههههههههههههه

معليش بس سؤال بسيط (وشهو المارشلو)؟

Paris said...

قريتها تشوق

ناطرين التكمله :)

Anonymous said...

السلام عليكم

قــرأت من البداية

الصراحة [ فنتكة ]

المفروض ندى بعد الي صار تصبغ وجهها بقـار او تغطيه بغطا وجه 7 طبقات ، مو تواصل الامر عادي

في انتظار البقية

تحية

عفره said...

مجهول
يب القصه حقيقيه

عفره said...

كبرياء ورده
افا والله افا ألحين مضيعه بلوقي

خلاااص زعلانه أنا
:(
:(
:(

عفره said...

مشتاق القصه مقتبسه من وحده وقصه حقيقيه
والحمدالله انك مو وليد عشان ماتلعب بحسبت ندى
:P:P

عفره said...

باريس

كوني على مقربه دائما

عفره said...

اميره الحب

ندى مستحيييه ماتشوفين كل ماشافت وليد صكها مغص :P:P

Bloggerista said...

فيصل شالسالفة؟

ماكو غيرة على اخته مو لية؟

كنت حابته البوست اللي طاف الحين أكست عليه

كبرياء وردة said...

لالا الحين مو مضيعتها

بس انا دشيت بلوقج صدفة وكنت توج منزلة الجزء الأول

ونسيت اسويه سيف ونسيت اسم المدونة

الحين توني اكتشفت ان انتي اللي كاتبتها

حدي مستانسة:D

@alhaidar said...

تبين الصج اخيتي تعبت وانا اقرا ودخت بين ندى وفيصل ووليد .. والآيس كريم :))

بس جدا جدا جدا مشوقة القصة ولو كنت اشوفها بعيدة عن الواقعية ..

ويزاتي اتعب لأني قريت كل الأجزاء مع بعض :))

بانتظار المزيد ..

تحياتي ..

عفره said...

بلوقرستا: فيصل حمش بس الشغل ملهيه عن اخته ووليد :P:P

عفره said...

كبرياء : كوله وااااحد

عسااه دوم تستانسين

عفره said...

أحمد: اقرا على مهل مهللك عشان ماتتعب وتمل

كن هنا