Tuesday, December 29, 2009

الحياة إما أن تكون مغامرة جريئه أو لا شيء!

و مثل ما قالت هيلين كلير: الحياة إما أن تكون مغامرة جريئه أو لا شيء!
وايد مروا سنين من حياتي بدائرة مغلقه
همي الوحيد شنو بيقولون الناس عني اذا سويت جذي
و اكتشفت انه هالهم تعب لانه عمر الناس ماراح ترضا عن اي تصرف يسلك من اي انسان والسبب اما يكون ديني و اما ان يكون طائفي و اما ان يكون تقليدي واما ان يكون غيره و حسد و حقد
و من بين تجولي بالانترنت من قبل سنين لقيت هالمقولة و فعلا غيرت اشياااء وااايد بحياتي
صرت اكثر جرأه من قبل
صرت لما ابي اسأل للعلم اسأل بدون حياء و صرت اذا ابي اخطو خطوه اخطيها بكل ثقه و جرأه من قبل و تحمل العواقب الي بتصير لي ..
ما انكر انه بعض المرات يجيني حياء و خوف و ربكه من كلام الناس و انه هالشي لازال فيني لكن تحسنت وااايد عن قبل و صار مااا يهمني كلامهم كثر قبل
هالمقدمه هاذي كلها
ابي بس اوصل رساله لي و لنفسي و لغيري ليستفيد
انه عمر الناااس ماراح ترضا عن اي عمل سواء زين او شين
سواء حضاري او متخلف
للاسباب الي ذكرتها
عيشوا حياتكم مثل ما تبون و سوا الي تبون لكن لا يخالف دينكم ولا مبادئكم
الاهم من كلام الناس انكم تقتنعون في الشي الي سويتوه  و انتم راضين عنه و الباجي مو مهم
لانه ممكن انك تخطو خطوه جريئه تفتح لك ابوااااب ما كنت متخيل انه بتتبطل
ممكن تلاقون الرزق وممكن تلقون الشهره و ممكن تكون الخطوه الاولى لنجاحكم
و تذكروا الي قالته هيلين : الحياة إما أن تكون مغامرة جريئه أو لا شيء!

Sunday, December 13, 2009

More Than I Can Say








صبـــــاح الخير


و اخيرا قررت اني اكتب بوست بعد غياب شهور
صارلي فتره افتح البلوق و اروح نيو بوست و اكتب جم حرف و اكنسله عقب
واقرر اني ما انشر شي جديد اليوم
لكن اليوم قررت و حلفت اني اكمل البوست و انشره
ولهت عليكم وفقدكم واااااايد


------


الجو هاليومين مووووو صج
يبجي
جو لندني
جو حب
جو رومنسي

:::

بنت خالتي تقول: لو كل العالم تحب انتي ماتحبين


!!


تقول انها تحس اني مو مال مشاعر و حب و رومنسيه


!!


ليييش حراااام عليييج
صحيح انه فيني عراااات
بس لا جيت اتغزل اطلع احسن من عنتره
و احب اكثر من روميو

وحتن سألي امي :P:P:P


تبووون الصج ؟؟
مااا احس بالحب و الانتماااء
و يجني شعور الحب صج صج
الا بالشتاء


يصير بخاطري حبيب
و لا جا الصيف مااا يشوف شر


:D :PpP




امس الجو يبجي مو صج
الهوااا يسحر
و ريحة المطر تخدر
لما طلعت من الكوفي الي كنت قاعده فيه
اشتهيت اني اسوي مثل ايام الطفوله
ارفع ايدي و ادووووور
و سويتهااا
بوسط الشاااارع
و بوسط السيارااات
وبين الناااااس
ماااا همني احد
ولا فكرت بحد
ولا نطرت احد يمنعني

ياااا نااااس الشعوووور غييير
مو طبيعي
رشرشت المطر ريحته و الهواااا الابدااااع
سحرني


قعدت ادوووور
و ابتسم
ادوووور و ألم المطر
ادووووووور و عيوني مسكره
و استنشق الهوااااا و ريحة المطر

بنات خالتي يصيحون ياااا مجنونه

وانا اصيييح كيييييفي ابي اعيييييييييييييييييش
ابي ألعب
ابي ارد طفله
ابي ادووووور
ابي احس بالمطر
و ابي اعيش الجو

فتحت عيني وكنت اظن اني المينونه الوحيده الي بتعيش الجو بجنون

و لقيت نفسي وااايد
فتحت عيني و صااادف بنفس المكان انه في مجانين اثنين

لكن العمر يفرق بواااايد
كنت انا مجنونه شابه
و اهوا كان مجنون شااايب
كنت اظن انه الي سويته جنوني
و سط الناس ادوووور
و طلع الي سواااه اكثر مرح و جنون
!!

واقف على حافة الرصيف يمشي باطراف اصابعه و يطمر رافع ايده
شااايب عمره يمكن فوووق 70
ويبي يعيش الجو بس بطريقته

:::

حسدته انه قدر يسوي جذي
و غابت عني الفكره
و ضحكت انه في مثلي مجانين

:::

Friday, June 12, 2009

مودي شعر

تحديـــــث
اليوم مودي شعر.. اتنقل من شاعر لي شاعر الكلمااات تعذب .. تذوب .. تعيشني الأحساااس جني انا ألي أحكي
طحت على اشعار فايق عبدالجليل وهذا عندي الشاعر نمبر 2 بعد بدر بن عبدالمحسن بس جد فايق عبدالجليل موووو صح مو صج يعور
القلب
مع كل بيت اتنهد ومع كل بيت احساااسي يعيشه
فايق بدع بدع بهل الأبيات
(( آخر زيارة ))
آخر زيارة ..
حسيت في آخر زيارة شي بعيونك مختلف ..وشي بحديثك مختلف
حتى حديثك مختلف
كنت بشكوك
وشفت الحقيقه في عيونك .. تعترف
موقف غريب .. موقف أبد ما ينوصف
وين الكلام .. وين الحرارة في السلام
كبير الفرق ما بين .. أول لقا وآخر زيارة
مدري شقول .. ياحب خانتني العبارة
مدري شقول .. والحر تكفيه الإشارة
كل شي حبيته في بيتك نساني
الهدوء .. الليل .. الصمت .. الأغاني
حتى لون الورد .. الفرحة ومكاني
داهمتني الغربة .. ليتني ما جيت
ليتني رديت
حزني غرّب ضحكتي
لساني ضيّع كلمتي
حسيت بالياس
ومشيت
كنت بشكوك
وشفت الحقيقة في عيونك .. تعترف
واااااي الكلمااات تعذب تعذب صح لساااانك
(( واحد من الناس ))
بكل طيبة العشاق اطلب ننتهي
سافر وغيب وننتهي
بتشوف ناس .. وتحب ناس وتنسى وأكون بدنيتك .. واحد من الناس
كنت أتصور إني لك .. وانته عارف منزلك
جدّت ظروف .. وعينك تشوف
صرت بصعوبه أقابلك .. صرت بألم اشتاق لك
سلمت .. انا مالي غير الصبر
آه لو تدري بعد هذا العمر إسمك إذا مرني .. يعطرني عطر
آه يا كل العمر
كون بمكاني وشوف عانيت شكثر
بتشوف ناس.. وتحب ناس وتنسى .. واكون بدنيتك واحد من الناس
وأااااااه يا كل العمر

(( ما يستاهل الثاني ))
فينا واحد بيلعب
فينا واحد يعاني
أعتقد فينا واحد ما يستاهل الثاني ..!
فينا واحد تمنى
يكون ظل لخليله
فينا واحد تجنى
الف ليلة وليلة
وأعتقد فينا واحد ما يستاهل الثاني ..!
فينا واحد تصبر
وعطّر الدنيا بطيبه
فينا واحد تنكر
للمحبة وحبيبه
وأعتقد فينا واحد ما يستاهل الثاني ..!
فينا واحد تغرب
عن حياته ومكانه
فينا واحد تمادى
حتى خان الأمانه
وأعتقد فينا واحدما يستاهل الثاني ..!
وبعد كل ما جرالي
منك ومن زماني
حس واشعر بحالي
صير انته بمكاني
وشوف منهو اللي فينا ما يستاهل الثاني
..!
لالالالا هالكلمااات بالصميم تعذب مو صج أأأأأأأأأأأأأخ ياااااقلبي
ومن أجمل إبداااعاته
(( خلنا اخوان ))
(1)
خلنا اخوان
هوانا كان ساعه من شهر نيسان
سفينه والبحر سكران
لوحه والمطر الوان
قصه كانت ومعنى
وهذا اليوم فوق الرف
لا معنى و لا عنوان
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
خلنا اخوان
خلنا اخوان
(2)
احبك .. اعـ ـ ـ ـ ! .. اهواك
كلام كنا نقوله سنين انا وياك
هوانا مغبّر ومجهول
هوانا ذايب ومسلول
انا ماكنت احبه يزول
انت وحدك المسئول
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
خلنا اخوان
خلنا اخوان
(3)
ياجرح الطفوله
يافرح حيران
ياكلمه بريئه مالمسها لسان
احبك .. اعـ ـ ـ ـ ! .. اهواك
واموت ودمعتى تبكى على ذكراك
يامصلوب على حدودي
احبك وانت معـ ـ ـ ـ !
بس فات اللى فات .. وراح
ولا يمكن بعد نرتاح
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
.خلنا اخوان
خلنا اخوان
(4)
جيت الحين متأخر
الورق الاخضر على الاشجار
صار اصفر
انتظارى طال
مااقدر بعد اسهر
الثمن عندك بعض كلمات
تكتبها على دفتر
والثمن عندى عذاب وموت
واحيانا يكون اكثر
شوف الفرق
لما انا احس الفرق أتحسر
اش تبى منى بعد اكثر
انا فى وسط واقع
وانت فى السما تحلم
كفايه ارجوك .. لا تسأل
اخاف اجرح شعورك .. لما اتكلم
مااقدر اوضح لك
مااقدر اقول اكثر
فى لسانى الكلام يموت
وفى عينى الهوى تابوت
خلنا اخوان
خلنا اخوان
(5)
انت ملوّع ومسكين
مثلى تايه ومسكين
لاتزعل
حنانك اروع واجمل
وهواك من الهوى اطول
انا اقدر
انكر كل شى فى الكون واتكبر
الا انت معاك
يابو جبين اسمر
ما اقدر ولا اقدر
اكذب لو اقول انساك مااقدر
حتى لو تمر الكلمه فوق لسانى تتكسر
مااقدر اوضح لك
مااقدر اقول اكثر
وفى لسانى الكلام يموت
وفى عيونى الهوى تابوت
خلنا اخوان
خلنا اخوان
(6)
عن اذنك
بروح البيت
طفلى هناك
ابوه غدار تزوجته غصب
وضاعت الحيله
وحيده اسهر
مع طفلى الوحيد
مع الليل ومواويله
شوف شصار
كنا صغار
وكبرنا وذبنا فى الدنيا
انت تلون الصفحات فى الاشعار
وانا احضن الذكرى واموت بنار
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
خلنا اخوان
خلنا اخوان
بدع بدع
كلماته تسحر
ملف فايق مليء بالابداع
هذول الاشعار احبهم و اموت فيهم جد عبر و وصل رسالته فيهم
ومن إبداعاته المعروفه
(( وهــم ))
وهم .. كل المواعيد
تعب .. كل المواعيد
باسم الحب .. باسم الشوق
مأساتي معاك تزيد
واتم بعيد .. وتتم بعيد
واتم مثل الحزن .. انطر سحابة عيد
اجي ملهوف .. عطش تحت المطر ملهوف
وقتي يطوف .. لوني ضايع ومخطوف
يضيع الشارع بصمتي
وصمت الانتظار سيوف
وكل ما مر وهم صوبي .. اقول انتي واتم بعيد
ألم .. كل ساعة .. وكل لحظة ألم
وين عيون حبتني .. ومنتني؟؟
وقالت لي نعم
تلاشت فرحتي .. وتاهت خطوتي
وحلمي كبير .. في لحظة انهدم
وكل ما مر وهم صوبي .. اقول انتي
واتم بعيد .. وتتم بعيد
واتم مثل الحزن .. انطر سحابة عيد
الود ودي أنزل كل اشعاااره
جد كل قصيده تحمل ألم و وجع قدر يعيشنا فيه
واااايد اشعااار ودي احطها بس مااابي اثقلها عليكم :P:P
ومنها سالفة صمتي اقروها تينن
و عطني الحل
و بيني وبينك
و نساي
و وااااااايد
فايق ربي يرحمك و يجعلك ان شاء الله من أهل فردوسه
ما ترس عيني شعر مثل شعرك انت و قله من المبدعين
-----
سؤااااال ؟؟؟
ماتيلكم عراااات ؟؟؟
من أقرا شعر اشتهي اتغزل بحد
أمي ماتعطي ويه و ابوي يضحك من اتغزل فيه و يتبوووسم
وينطر اخر التغزل ويسأل جم تبين ؟؟
هااااا مااابي بس بقووول
أحووووبكم
;D
----
خارج النص
;PpP
منو يعرف ورش و دورااات تعليم التصوير بالكويت
أسعفوني يا أهل الخير
;D

Wednesday, June 3, 2009

عوده





غيبتي كان طويله وايد

ولهت عليكم و على بلوقي

عوده جديده لعالم التدوين

:P:P يارب مايكون في شي فااااتني


miss u all ;**

Friday, April 17, 2009

برلمانا .. أحبك أموووه .. أم أم أمووووه

شسااااااااااااااااالفه ؟؟؟؟
الكرسي الاخضر كل من يتهاوش عليه
اليوم الاول و صار عدد المرشحين 108 ,, بأخر يوم كم بيصيرووون ؟؟؟؟

اتذكرت اغنية أحبك أمووووه و قعدت أضحك

فعلن فعلن الاغنيه ماشيه مع المرشحين

http://www.4shared.com/file/89027356/66c258e3/ll___ll5744442.html?err=no-sess



وددددددددددددددددددددددددددديييي اجرب المتعه ألي بهالكرسي
بنزل الأنتخابات ورشوتي بتكون اكثر وضوح من الجويهل

ببسط عند الشرطه و بشيل جنطه فيها مليونين ديناااااااار مو ربع مليون وبس لا لا لا مليونين دينار,, دينار ينطح دينار وبصيييح بأعلى صوتي حط جنسيتك ومد ايدك

و بتعامل مع البشر و الكاظمي ايبون لي طلبيه مرسيدس فوق 400 سياره و يكثرون من هالسيارتين و بتكون هديييييه لعيونكم


ولااااااااااااا مو بس جذييييييييييييي بسوي سحب بعد النتيجه عيشلون عيل الجويهل مو احسن مني

و سحب بيكون على جزيرة كاملة التأثيث بترحون مرتاحين البيت موجود و الحمامات موجوده و السيرفس موجود و لااااا بعد بحط فيها منتجع سياحي منها تستفيدون و تحصلون جم بيزه

وووووو

أحبكم أمووووه

اموت فيكم امووووه

احبكم اموووووه

اموت فيكم اموووه

ام ام اموووووووووووووووووووووه

هاااااا شقلتوا تصوتوووووووووووون لي ؟؟؟؟؟؟؟؟؟؟؟؟؟؟؟؟


مطنووووووووووووووووووووخ

Thursday, April 16, 2009

cup cake





بعد غيمة الكسل ألي حايشتني و مسببه لي أزمة لي درجة أني مأجله كل امتحاناتي من الكسل و العيازه
قررت و عزمت أني اصارعها بكل و شتى الوسائل و الطرق
قررت أتسبح باليوم 4 مرات وصرت مع كل شور تصكني نومه ف قلت لخدمتنا من أطلع من الحمام ابي دلة قهوه جدامي وزط من هالقهوه لما صرت ما أنام الليل
والنهار كله نايمه مما أدى إلى غيابي بكل محاضرتي و تعطل كل مشاويري
ثاني خطه لي قررت ادور لي هوايه يديده و ابدع فيها و احترف لعله و عسى شغلي و تفكيري فيها يوخر عني هالكسل
طحت بالكب كيك كل يوم مسويتلي كب كيك بتقولوون وين الهوايه هني بقولكم الهوايه بالكريمه راسي و ألف سيف ألا ابدع بالكريمه و اعرف شلوون يسونها الطباخيين و الشيوووف بختصااار بعرفها بمهاره ؟؟؟
ابي ألي يشوفها يسألني من وين شاريتهم .. ابيها ألوااان اصفر احمر برتقالي وردي .. ابيها ابداااع على اشكاااال ورده , فراشه, موج
ابي ارسم بالكب كيك .. طايحه باليوتيب اشوف سواتهم بالكب كيك و جابلت المطبخ وكل يوم طبخ بالكب كيك و حوسه بالكريمه أول مره ما ضبطت معاي و طلعت عصير مو كريمه ثاني مره هم ماضبطت معاي من حطيت الكريمه على الكب كيك ساااحت و خرب شكلها ثالث مره جبتها ضبطتها وهياااااااااااااااااا عاااشت عفوره و مستانسه أتنطنط الألوااان زوووقه و ابدااااع كل كب كيكه على شكل ألي يشوفهم وده ياكلني معاااهم من كثر ما شكله حلو
قعدت افتر فيهم في البيت واقولهم شوووووووووووووووووفوا عفوره شسوت عفيه علي انا
اقعد عند ماما واقولها شوفي بنتج وابداعاتها وامي تقول الحمدالله و الشكر
مديت ايدي ببدي اذوووق طبخي و سواتي ويااااااااااااليتني مااااذقت يخيييييييييه الله يديم النعمه صاااج المثل ألي يقول من بره هلله هلله ومن داخل يعلم الله
الكيكه حلوه وضابطتها لكن الكريمه وييييييييييييع الله يديم النعمه كلها زبده وشكر
ورجعت للمطبخ احووووس و التجارب للحين قائمه
أبي هالعده منو يعرف وين احصلهم ؟؟؟؟؟؟؟
مركز سلطان وكارفور و سيتي سنتر دورت ولا لقيييت

ألي يعرف بلييييييز يسعفني ويقولي



Monday, April 6, 2009

كسل





كسل كسل كسل

أعيش حياااتي بكسل

مابي اسوي شي مااابي ادرس مابي اطلع مابي اكتب بوست مابي امتحن

ابي بس اقعد بدون لا اسوي شي ولا شي حتى التلفزيون مابي اشوفه

وضعي صاير مأساااوي مأسااااوي

اقوم من فراشي عشان بس اقعد بدون لا اسوي شي بيومي

مسكبه بكل شي بالجامعه بالدوره بالنت وبكل شي

أوووووووووووووووووووووووف اوووووووووووووووووووف الوضع مو طبيعي

حاولت كثر ما اقدر اطلع من ألي انا فيه بس مااااقدرت كاسره حال نفسي

الكسل كلاني كلي احس مخي بغيبوبه كسليه

وكل يوم اقول بسوي جذي لا لا لا لازم انا ابطل الكتاب و اجابل الماده لالالا لازم انا اروح المكان الفلاني

بس ماااكو ما اسوي شي ويومي يروووح بدون لا يطلع مني شي يفيدني و لا يغير روتين يومي الي ملاااااه الكسل

تعبت نفسيا عيزاااانه اسوي شي كله مالي خلق ومابي

وطاااايحتله بلعه خلاااااااااااااااااص بنتفخ

شهيتي انفتحت على مصرعيه

انتفخت صرت بالونه كل اسبوع ازيد وكله من حالة الكسل ألي حاااايشتني

هئ هئ هئ هئ هئ هئ والله اكتب و انا مقهوره مااااااااااااااااادري شفيني

حالتي يرثى لها

اخاااف صكوني عييييين على 93% :P:P

ترا كلها ICDL

تف تف تف تف علي

حابس حابس



ألي عنده حل يغيثني :"(


يبااااااااااااااااا ودني المطوع

Tuesday, March 31, 2009

زحمه زحمه





هالاسبوع زحمه زحمه كل شي تكتل على بعض كوزات و دورات و مشاوير و اشغال
ولهت على بلوقي و ولهت عليكم أكثر
عندي سوالف وايد وايد تقرقع بقلبي وتكدست فيه لدرجة اني نسيتهم P:
خلونا نبدا اليوم اشصار معاي
الله يسلمك اليوم كان عندي امتحان اكسل بدورتي ال ICDL وانا مو دارسه و بالاصح مو حاضره ولا كلاس مع المدرس ولا عارفه شي وأنا بفراشي الصبح وعيوني مغمضه تبي النوم اجر نفسي يا عفوره قومي روحي الامتحان و عيوني تقول يا عفوره نامي انتي ساقطه ساقطه ومصارعه بين الاثنين تعوذت من ابليس و قعدت
رحت الامتحاني متاخره اركض بالممر و السكيورتي يضحك علي اوصل الروم وانا ألهث سميت و امتحنت سؤال ورا سؤال وخلص الامتحان ضغطت على النتيجه وانصعق فيها تهقون جم ماخذه؟؟
استازي كله يقول يابت ياعفره انتي سائطه و حتفشليني اصلك ما بداوميش
وانا اقوله معصي يا استااز انا ارفع راسك ما انزله وراح انجح بإذنه
- وهو يقول أدي دأني أن نقحتي
- شدعوه يا استااز كله اكسل
- ماهو المصيبه انوه اكسل وانتي مش فاهمه حاقه
وهذا حواري مع استاذي كل ما شافني و راح اشتكى للاداره عن غيابي,
المهم جم تتوقعون النتيجه ؟؟؟؟؟؟؟؟؟؟؟
قولوا ماشاء الله اول
لا ماتكفي ما شاء الله قولوا تبارك الله
لا ماتكفي تبارك الله قولوا اسم الله عليج من العين
لاماتكفي هاذي قولوا حابس حابس
قربوا قربوا لزقوا بشاشه مابي احد يقرا P:
خذيييييييييييييييت
خذييييييييييييييييييييييييييييييييييييييييت
خذيييييييييييييييييييييييييييييييييييييييييييييييييييييييت


93%


@@

@@

@@


لما شفت النتيجه فجيت حلجي قلت للمصري الي واقف فوق راسي النتيجه غلط الظاهر كمبيوتركم خربان
ضحك علي وقال أوماااال داخله خايفه ليه ؟
قلت ماااافيه ياعفره روحي حري استاذج ألي فضحج بالحته كلها قوليله جم خذيتي رحت بشرته وقلت له شووووف ترا انا شاطره قدراتي العقليه ما تحتاج اني احضر عندك بيباي ونلتقي في الاختبار الاتي
رد علي : يااابت يا عفره داومي ماتغيبيش القاي اصعب
طلعت عقبها وكان الجو عجيب رحت ألحق على محاضرتي بالجامعه و ألقى الاستاذ مسكر البااب ولا راضي يدخلني مسكت قشي ورديت من دربي رحت لسوق الاثاث متعتي هناك مع اني كنت اتسوق بروحي بس كنت مستمتعه ولا مليت اعشق التسوق بالاثاث اكثر من الملابس
حست حست ولا مليت ودي اتسوق اكثر بس اختي الكسلانه قاعده بالسياره ولا تحب سوق الاثاث وكله تزن فوق اذني يالله نمشي وانا اماااطل بس ماااكو توبه اخذها معاي مره ثانيه


فااااصل :

نذل اتصل على ( الأف أم ) يهدي اغنيه ( بابا فين ) لكل ايتام العالم.


أمس كان يوم ممل شوي ومتعب بنفس الوقت رجعت البيت شوي متأخر فتحت المسن اشوف ألي متصل و ألي نايم
ألقى رفيجتي اللبنانيه كاتبه نيك نيم (( سونه يا ئلبي ياروحي يا فؤادي يا عيوني ياحياتي كلا مس يو سو متش )) ومن بعدها عرفت سر شبابنا عندهم
بلوقرز يائلبي ياروحي يافؤادي ياعيوني ياحياتي كلا مس يو سو سو سو متش P:


فااصل:

مرة خليجي وانجليزي وياباني ..راحو شلالات نياغرا علشان يجربون الصدا .. فقال الخليجي:هلا وجاه الصدا ..هلا ..هلا..هلا.. وقال الانجليزي هلو..وجاه الصدا هلو..هلو..هلو.. وقال الياباني تشين شان شنونج ..رد الصدا ..ها؟؟؟؟؟ .


قبل امس جاني اتصال الساعه 12 بليل المتصل منيره مارديت مالي خلق سوالف وابي انام بدري بس علقت تتصل استسلمت ورديت

- ألو
- واهيا تصيح عفوره ماراح املج خلااااص تكنسلت
- ليش اشصار ؟؟
- أحمد مايرد علي و أهله دقوا كنسلوا ييتهم
- شصاير بينكم
- تهاوشنا قبل يومين يقولي صرت زوجته وطلعتي صارت محسوبه رديت عليه وانا اضحك احنا للحين ع البر مثل ما خذيتك ارفضك عصب وسكر الخط بويهي
- منور شدعوه ردج قوي وبعدين هاذا بيكون زوجج من حقه عليج هالشي
- والله كنت اضحك ما كان جد وحتى لو جذي مو لهدرجه يكنسل ملجتنا شدعوه ينطر علي الزله
- هدي هدي منور يمكن خيره لج
- عفوره احبه انا احبه جهزت لهل يوم و كنت احلم فيه كل يوم ألي بيني وبينه مو اسم بس بيني وبينه حب وفجأه عني ينقطع عشان سبب تافه
- منور ينقطع ألحين ولا بعد ما تكونين زوجته رسمي
- شقول للناس كلهم يدرون انه ملجتي الاربعا
- نطري يمكن هاذا عقاب لكلامج
- شدعوه يكنسل كل شي بينا يزعل يوم يومين بس يوقف كل شي ليييش
- اممم والله مادري شقولج يمكن عنده ظروف
- اي ظروف يا عفره على الاقل يرد يعطي سبب
- نطري كم يوم يمكن الامور تتصلح
- اخته اتصلت تقول اذا كانت من نصيبه بياخذها و صارله يومين ما يرد شنو يعني كلام اخته اكيد مايبون
- يمكن هاذي طريقته عشان يخليج تندمين على كلمتج
- يارب تكون جذي يارب
وبعد يومين يصح ظني و يرد أحمد لمنور و مافيهم ألا العافيه
بس جد جد حركته خاااايسه شدعوه تكبر السالفه و يصير فيها تكنسل ليوم ملجتهم ؟؟؟؟؟؟؟


مااااااااااااااااااااااابي ريل جذييي



وبص

Friday, March 27, 2009

ليلة فرحتي






ندى: فيصل تعرف وحده اسمها نوره هني ساكنه؟!
فيصل: اعرف بس سعوديه
ندى: ايييي منو تطلع ؟!
فيصل: زميله تدرس معانا
ندى: اممم .. مره واحنا طالعين شفناها انا و وليد صدفه وكانت تحضن وليد حيل مو عيب ؟!
فيصل: لا مو عيب لآنه اخوها
ندى: !! اخوها ؟ مو وليد وحيد امه وابوه
فيصل: اي ونوره اخته بالرضاعه نوره تصير بنت خالت وليد وامه مرضعتهم سوا
أطير من الفرح ارد : اهاااا يعني اهيا قريبه لوليد
فيصل: وايد احيانا اشك انها اخته بالرضاعه بس ليش تسئلين ؟

انا: لا بس استغربت من قربهم وكنت ادري انه وليد ماعنده اخوان ,, انا بروح المول بتغرض ودي اسوي كيك حق جمتعكم اليوم
فيصل: اوكي روحي المول القريب ولا تتأخرين
أخذ جنطتي واطلع امشي و اكلم عمري (( واااو نوره اخته ياندى اخته يعني مو حبيبته مثل ما تظنين اوووف ارتحت واخيرن ارتحت))
يقطع تفكيري وجود وليد جدامي
انا: وليد شتسوي بالشارع؟
وليد: امشي أنتي شتسوين هني
انا: بروح المول ب جيب اغراض لعشاكم اليوم
وليد: بتكونين موجوده
أنا: اييي
وليد تتغير نظرته يطالعني بس غير عن كل مره تختفي العيون المبتسمه ويبين الانزعاج ,,
أنا احاول افسر لوليد جلوسي: يعرفوني وانا صغيره كانوا يسيرون علينا ايام المدرسه وكانوا يلعبون معاي و ضاري كان يموت فيني كل ما يزورنا يشتريلي حلاو و باربيات كنت لهم اخت وكانوا لي اخوان
وليد بملامح جاده: بس ألحين كبروا
أنا: بس انا ستل اعتبر اختهم لصغيره لاعمارهم
وليد: انتي مو صغيره انتي عروس
تحمر خدودي لكلمت وليد استحي اتلعثم ويحس وليد و يعم الصمت




فااااصل:

تروووث من زمان ما نزلتي بووووست يالله هلمي يافتاة ونزلي لنا بوست




المول فاضي بس انا و وليد وكم واحد وحده وليد يمي يدز العربه ويتبعني
: وليد شكله مافيه شوكلت كيك
وليد: بتسوين شوكلت ويع ما احبه
أنا: عيل شتحب
وليد: مجبوس دياي
أنا: قلت بسوي كيك مو عيوش
وليد يضحك على ردي : انتي سألتي شتحب وانا جاوبت
يسرقنا الوقت والسوالف تزيد متعه ألمح مارشملوا امد ايدي اخذه و أيد وليد تتبعني بلا شعور تتصادف ايادينا ماسكين المارشملوا يبتسم وليد وابتسم معاه وليد صاير يتقرب لي اكثر ومعاملته لي تتغير اهتمامه زاد وصار واضح




فاااصل

احب احب احب بدر بن عبدالمحسن مو طبيعي هالانسان و اشعاره مو طبيعيه يشبعني شعر يشبعني احساس يشبعني حب
من ابداعاته

خطأ..
تبخل .. وأنا كلي عطا..
خطأ ..ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ ..لو ما جنت
ولو ما رضيت ..
تحدني ..روح الشقاوي ..
ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان ..
عودتني وطال النوى وجار الزمان ..
صبرتني ..
وإثر الهوى .. مثلك غريب ..
ماله .. على نفسه حبيب


ألي يعرفه يقوله اني احبببببببببه وعادي اتقبل احد يكتب فيني شعر




أرد شقتي أرتب اغراضي اسوي الكيك والحلو انظم العشا و المشروبات يرن جرس الباب ويكون وليد أول الحاضرين
وليد : أوه شكلج محتاسه
أنا: اي و الله كنت ارتب الشقه
وليد: روحي لبسي وخلي علي الباقي
أنا: لا ما يحتاج ألبس ماراح اقعد معاكم
الملامح تتغير عن اليوم يبتسم وليد والفرحه مبينه بعيونه يسأل عن السبب بعيون فرحانه
أرد: مالي مزاج و أفضل اقعد بداري اقرا كتاب
وليد وجنه ما صدق : زين تسوين
اخذ شور .. اقعد بغرفتي بروحي أسمع اصواتهم
أكيد سهرتهم حلوه صوت ضحكهم عالي .. وكأي انثى تسمعت لهم يعني جني معاهم .. وبدات ذكرياتهم الغش ,, الامتحانات ,, السيارات ,,السفر البنات,, يعني الاخ كان ..
يغلبني النوم ونمت و الصبح اصحى على صوت فيصل
ندى ندى قومي سلمي على وليد بيرجع الديره
اقوم مختبصه من الكلمه : ليش
فيصل: اضطر انه يرجع
يقولي هالكلمتين فيصل و يطلع من داري لداره أقوم اغسل وجهي على مضض اطلع لوليد بسرعه
أنا: ما قلت انك بترجع اليوم
وليد: خلص شغلي هني ومضطر ارجع لشركتي بالديره
أنا: امس كنت معاك ولا ذكرت شي
وليد ينتبه لغضبي : كان المفروض ارجع الاسبوع الياي بس عطل بالشركه اضطرني ارجع بطيارة اليوم
تخنقني العبره احاول اخفيها : تروح وترد بالسلامه
أصد عن وليد بدون لا انطره يطلع ارجع غرفتي اخفي دمعتي يلمح وليد غضبي وتساقط دمعه مسحتها بطرف صبعي اسكر الباب بقوه
فيصل: يالله وليد مشينا
وليد: خلنا ناخذ ندى لا تقعد بروحها
فيصل: سألتها قبل لا طلعت و تقول تعبانه بترجع تنام
يطلع فيصل يوصل وليد للمطار أطل من دريشتي و وليد يلتفت لي من تحت تتواعد العيون ,, تضمه عيني بصمت تدمع تودعه و يتفطر قلبي لسفره ودي يقعد اكثر ودي اسولف له اكثر,, يا وليد اقعد لا تروح شباسوي بعدك خلاص تعودت عليك ينهار قلبي احاول اتبعه احاول ألم نفسي و اصيح له انتظر بقولك كلمتين وبعدهم روح ,, ابيك تعرف شيين ,, ابيك تفهم شعوري لذاتك ,,
ألبس على عجل أهرول له ابي اشوفه ابي اضم ايدي بيده ببوح له حبي له
يوقفني الحارس
: انسه ندى هاذا الطرد من مستر وليد
اخذه و افتحه ألقى فيه رساله ,, مارشملوا ,, اسواره




فاصـــــــــــل و نواصل
الـ Mbc
مو احسن مني :P:P
لما كنت بالعمره تهاوشوا كويتيه و مصريتين و السبب تافه
بس الي جذبني رد المصريه على الكويتيه
المصريه دخلت عرض برد مال امه شغل بالهوشه قالت لرفيجتها : سبيها ما ترديش عليها دول محتريين لآنه رقالتهم بيحبونا
ياااامساكين ياانتم رقالتكم بيحبونا مش لئيين فيكم حاقه ياحراااام يااااحراااام
وقعدت تمد يا حراام مع تغير ملامحها على نفس المده
الكويتيه ردت : انتي متأكده انج هني للعمره
المصريه تلوها ربعها و ماخلوها تكمل جملتها بس جد هالمصريه مسكينه جدن بمدة النون




(( إلى ندى :
كتبت هالرساله اليوم الصبح قبل لا أطلع بعبر فيها عن احساسي لج ألي كنت احاول اقوله لج قبل يومين وكنت اتمرن على ألقاه لكن ماقدرت وخاني لساني وعم الصمت
تذكرين لقائنا الأول تذكرين شطانتج ذالك اليوم رسمتي بقلبي متعه ما ذقتها من قبل ,,
وانتي تاكلين المارشملوا حسيت بشعور ما حسيته من قبل ولما دريت انج اخت اعز ربعي فرحت اكثر صرت اتعمد ازوركم اكثر اقعد معاج اكثر في كل يوم يمر معاج احس بالفرح بالأمل بالحياة
كان احساسي لج مجرد وناسه ورسم بسمه قدرتي تطبعينها على شفتي لكن هالاحساس تعمق وزاد وصار اكبرو اكبر بس قبل يومين ادركت اني احب ندى وقلبي متعلق بروحها اكثر
أنا راجع ديرتي وقلبي متلهف يقعد عندج لكن ممكن برجوعي اعرف شعورج اتجاهي قابلتني ولا احساسج اتجاهي عادي ,,
فيصل بيوصلني المطار راح اطلب ايدج منه اتمنى انى اكون لج زوج و حبيب
ياليت تتقبلين هالاسواره عجبتني و حسيتها بيدج بتكون اروع
وليد))

ارجع شقتي وانا فرحانه بكون لوليد و وليد بيكون لي اطير من الفرح انطر فيصل متى يرجع بعرف وليد صادق بكلمته ولا لا
يدخل فيصل يطالعني و يبتسم اسوي نفسي جني ما ادري اسأله : ها وصلت وليد
فيصل: اي راح الله يحفظه
أنا: امين ,, أأ .. طولت
فيصل يبتسم : اي قعدنا نسولف شوي
لقافه مني : شنو سولفتوا فيه
فيصل يرد برود : اعمال
انا: بس
فيصل: ووووو بعد سولفنا بالجلستنا امس
انا: وبس
فيصل: يا عياره يعني انتي تعرفين
انا بعيون بريئه : شعرف ؟
فيصل: انه وليد يبيج
انا والخجل امتلكني : ها.. لا .. انا شدراني .. وبعدين شلون يعني يبيني؟؟
فيصل بشطانه : يعني يا حلوه وليد طلب ايدج مني بس انا رفضت لاني ادري انج ما حبيته من قبل
انا بصدمه : هاااا ليش ليش رفضت
فيصل: يعني تبينه ؟
انا بخجل: فييييصل لا تحرجني
يفهم فيصل ردي وتم الزفاف في ليالين ملااااح

توته توته خلصت الحتوته

تمت

فااااصل
أبي بيتزا ألحين يوعااااانه
رسالة سريه: يا استاز العربي لا تدقق على اخطااائي الاملائيه اصلي فاشله بالعربي

Tuesday, March 24, 2009

قبل الاخيره





وليد يعزم البنت تتغدا معانا توافق واهيا ماسكه ايده بقوه وانا قلبي يشتغل و عين على وليد وعين على ايدينه وايدها
وليد: ندى اعرفج على نوره
أنا بابتسامه مصطنعه : اهلين
نوره: أهلين ندى , مين هاذي يا وليد ؟
وليد: أخت فيصل وبمكانة اختي انا بعد (( ااااااه يا قلبي ياوليد اااه كرهت هالكلمه ذالك اليوم ))
نوره: ايييه هاذي اخت فيصل ألي كل مره يسولف عنها

وليد ينساني و يسترسل مع نوره وانا قلبي يشتعل غضب وفكري يودي و يجيب حوارت تساؤلات يطرحها قلبي لعقلي (( ألحين اعتبر اخته وانتي ليش مهتمه و ليش يهمج ياندى ؟! عادي اي اخته واهوا مثل اخوج ؟ اي اهوا مثل اخوي بس لا مابي اكون اخته ؟؟ انزين منو هاذي وليش وليد نساني لهدرجه اهيا مهمه ؟؟ ممكن تكون حبيبته ؟؟ او اخته ؟؟ لالا بس وليد قال ماله خوات وبعدين هاذي من لهجتها سعوديه ؟؟ يااااربيه راسي بينفجر ))

أنا: عن اذننكم
وليد: وين بتروحين
بتلعثم احاور نفسي مادري وين اروح ياوليد بس اذا بقعد و بشوفكم باكل نفسي بنفسي
وليد: ندى
أنا: همم .. أأ.. ابي اروح الحمام
وليد: اها اوكي
اتمشى بممرات المطعم يعجبني المدخل يلفت انتباهي الجو بره و قطرات المطر اطلع وانسى وليد ونوره
اول مره امشي بدون خوف امشي بروحي بشارع ما اعرف طرقاته بس ما كان عقلي يقودني كان قلبي يبي ينسى تساؤلاته و يلهى عن وليد ونوره
المطر كان روعه و الهوا منعش و الصور كانت اجمل ، يرن تليفوني فجأه
أنا: دلووووله
دلوول: انتي ما تيوزني تغطين ولا تسألين
أنا: انتي بالي بس لهيييت
دلوله : بشنو
أنا: بوليد
دلوله: اهوا للحين عندكم
انا: اي يادلوله اي
دلوله : ها تأسفتي على المارشملوا
أنا: مااتتصورين الصدف يادلوله ما تتصورين طلع نفسي يحب المارشملوا
دلول: شكله نصيبج يالخبله
انا: تهقين اهوا نصيبي
دلال: ويييه ليكون طحتي
أنا: وين أطيح
دلال: بدباديبوه
أنا: لاااا شكووووو اهوا اصلن مثل اخوي فيصل
دلال: وصفيلي شكله
أنا بتنهيده: اسمر طويل والكتف عريض الخشم سيف و العيون كبااار مكحله ع الخفيف والنظره حاده الحلج صغير اد الزيتونه والثقل ثقل سلطان زمانه و الاخلاااق عاليه اسباااني يادلوله اسبااااني
دلال: اوه اوه اوه شنو هاذا ؟؟ هاذا صج ولا بعيونج ؟؟
أنا: لا صج يادلوله صج
دلول: هاذا كامل والكامل الله
أنا: بس فيه عيب واحد :(
دلال: شنو ؟
أنا: يعتبرني مثل اخته
دلال: مو توج تعتبرينه اخوج
أنا: ايييييه انا اعتبره بس اهوا لا يعتبرني
دلال: ياحسرتي عليج يارفيجتي طبيتي ولا حد سم عليج
أنا: بس ألحين معاه نوره ومادري منو هاذي نوره تهقين حبيبته
دلول: منو نوره؟
أنا: مادري كنت قاعده معاه بالمطعم وفجأه دخلت وحده اسمها نوره احتريت وطلعت وخليتهم
دلال: وووه ماعندج سالفه اقعد على قلوبهم وبعدين لااااتضعين انتي مادلين شي
أنا: معاااي ماااب ادل ان شاء الله,, دلوله اخليج مااافي شحن
دلوله : طمنيني عليج وعلى وليد
اسكره من دلول وقلبي متعلق بالمطر و صورت نوره ووليد ابالي ليش اهتم هالكثر مااادري
بس ياقلبي لا تسال
اتجول بالطرقات اصور ألهي عمري واتمشى بروحي نسيت وليد و نسيت نوره ونسيت المطعم غابت الشمس وضعيت فيها الطريق تذكرت كرت كان فيصل كاتب فيه العنوان وحاطه بجنطتي خوفا من يوم اتوه فيه
اوقف تاكسي اعطيه العنوان وقلبي يرقع اول مره اركب تاكسي بروحي قريت القران كله بقلبي خوف ورعب وبعد معاناة خوف وصلت الحمدالله لشقتنا سالمه
ألمح وليد باللوبي
وليد بغضب: وين كنتي؟
أنا بستغراب: رحت اتمشى
وليد بأكثر عصبيه: مو قايلتلي انج بتروحين الحمام
أنا: ايه بس شفتك لاهي مع نوره و شفت الجو عجيب وطلعت
وليد بعصبيه أكثر واكثر: تعرفين شكثر خفت تعرفين شكثر حاتيت تعرفين شلون كنت مينون بالشارع ادور عليج ؟
أنا: وليد صوتك عالي والسيكيورتي يطالع فينا
وليد مو مهتم لكلامي : لا تكررين هالحركه مره ثانيه و اذا تبين تروحين مكان ثاني علميني
أنا: مو من حقك اتزفني جذي
وليد: امبلا من حقي انتي وصايه عندي ولا اسمح لج تروحين مكان ثاني الا بعلمي لما يرجع فيصل
أنا: عن اذنك بروح انام
وليد : انتي مبلله و اللوبي بارد هاج جاكيتي غطي فيه شعرج لا تمرضين
أنا: لا شكرن بروح داري ألحين و اتغطى
وليد ياخذ جاكيته و يغطي فيه شعري بغضب: لما اقولج اخذي اخذيه ولا تعاندين
يسبقني وليد لداره وأنا اوقف كالبلهاء باللوبي جاكيت على راسي و ابتسم لغضب وليد مادري ليش مستانسه بغضبه يمكن لأني حسيت بإهتمامه امشي يلتفت وليد علي ينطرني اتبعه
أدخل غرفتي اخذ شور اسمع محمد عبدو


الله واكبر ماجملك

ودي اقولك واسالك الله واكبر ماجملك

لو للحسن عرش وتاج ماظنتي غيرك ملك

اذهلت في الجلسه الحضور يازايد هالنور نور

قالوا اكيد انت االقمر ولاالقمر هو من هلك

شيل القمر واجلس بديل انت الجمال وانت الجميل

حضرت وضاعوا من حلاك والجو كله صار لك

ياسلبٍ كل العقول بالرمش والطرف الخجول

برضيك لو هم يزعلون ماعاش من هو زعلك



احساس قلبي الليله فرح افتح الدريشه استنشق باقي عطر المطر

اغط بالنوم اغط باحلامي اصحى على طق الباب (( اكيد وليد)) اجاوب نفسي تفتح عيوني بفرح اقوم اعدل شكلي اركض افتح الباب
وليد بنبرة زعل : صباح الخير
أنا: صباح النور تفضل
وليد: يالله لبسي بروح
أنا: وين
وليد: عندي اجتماع و بنطلع
أنا: انا عندي دوره اليوم ولازم اروح امس مارحت
وليد: خلاص اقطج بطريقي وامرج وانا طالع
أنا: لا خلااااص روح شغلك انا صرت ادل الطريج
وليد بنظره معبره : لبسي 10 دقايق وانتي خالصه
اصكر الباب أبتسم ولساني يقول ووووه عليك يااااحمش
ابدل على عجيل اكشخ وايد احط ميك واول مره احط ميك اب مااا احب الميك اب بس اليوم شعوري و احساسي و نفسي تبي تحط ميك اب

وليد: خلصتي
أنا: اي اي كاني طالعه
وليد: شنو حاطه بويهج
أنا: شنو مو حلو
وليد: اممم قبل احلى
استحي انزل راسي واقوله وانا ماشيه : يالله تاخرنا
يقطني وليد على الدوره اربع ساعات مروا جنهم اربع سنين كل ثانيه اشوف الساعه انطر وقت رجوع وليد
بالي مو صوب الرسم عقلي موفيني وقلبي ملتهي ومتشوق مرت 4 ساعات ابطئ شديد وكأنهم دهر
وليد: ها شلون الرسم
أنا: امممم عادي ماخذيت شي يديد<<< جذابه بالج ماكان يمه
وليد: اليوم بنتغدا انا وانتي و نوره
أتفاجا ألتفت على وليد بسرعه واحاول ادارك نفسي عشان ما ينتبه بس وليد فطين و لمح تفاجئي و انزعاجي و يبتسم
أنا: نوره سعوديه؟
وليد: اي
أنا: ساكنه هني؟
وليد: يب
أنا: من زمان تعرفها؟
وليد: يس
أنا: واضح علاقتك فيها قويه؟
وليد: حيل<< أأأأأأأأأأأفهم عااااد قولي منو اهيا وخلني ارتاح
أنا: اممم الله يخليك لها ويخليها لك
وليد: امين
اعصب من طريقة رد وليد و عدم مبالاته: انا اعتذر مابي اتغدى معاكم
وليد: ليش عندج شي ؟
أنا: لا بس مابي
وليد: انزين بعد انا مابي اروح
استانس ولا قلت له لا ولا هم يحزنون جني ماصدقت قالها
ابي ايس كريم وابي اتمشى بالهايد بارك
يلبي وليد مطلبي و نتمشى بين الورد و الشجر و تاخذنا السوالف
أنا: ما حسيت بوحشه وانت ساكن بروحك بالبيت
وليد: الوحشه كانت قليله بالنسبه لشعوري ذالك الوقت , بس لهيت بالشغل و نسيت
بستغراب اسأل: كنت تشتغل ؟؟
وليد: ايه , بعد وفاة الوالد الكل استغل الوضع بعدم وجود رقيب الكل قعد يسرق و ينهب و اكتشفت ان الشركه خسرانه و مطلوبه فضيت عمري للشركه درست مسائي و اشتغل بالنهار لما وقفتها على ريولها مره ثانيه والفضل يرجع لربع ابوي الأوفياء علموني اصول الشغل
فجأه احس بداور وتعب أقطع كلام وليد: وليد خلنا نرجع البيت تعبت
وليد: فيج شي
أنا: لا بس حاسه بدوار
وليد يمسك جبهتي : انتي حاره وايد اكيد هاذا من لعبج تحت المطر امس
نرد شقتنا بعجل من وليد : بروح انادي خالد
أنا: منو خالد ؟
وليد: دكتور عمارتنا يدرس طب هني واهوا دكتورنا بالحالات المستعجله
أنا: ما يحتاااج ألحين اتسبح و تروح الحراره
فجأه احس بدوار استند على الطوفه وليد يرفعني شوي : شفتي بدا الاغماء
استند على وليد يوديني غرفتي يستأذن ويروح ينادي خالد
ثواني مرت خالد و وليد داخلين علي
خالد يطمن وليد انها حالة برد و جسمي ضعيف ما يتحمل شوية راحه مع فيتامينات و ينتهي المرض
يسلم خالد ويطلع
أنا: وليد ألحين هاذا خالد
وليد: ايه اشفيه
أنا: شنو سوداني
وليد: وهاذا انتم يالحريم حتى وانتم تعابه تخزخزون بالريايل محد يفلت من لسانكم
أنا: لا لا جد وليد شنو اصله
وليد: اي سوداني
أنا: انا قلت ألحين خالد طول و عرض وزين قلت اببببببببد بشوفه و على طول بشفه
وليد: شوفيني انا ,, أنا أكفي
أنا: انت وايد مغتر بعمرك ,, خالد السوداني أملح منك
وليد: اها يعني طلع السوداني عاجبج خلاااص ألحين اناديه يشربج الدوا بيده
أنا: لاااااا مابي
وليد: لييييييييش عشان تقومين من بعده زي الفرسه
أنا: وانت ما تصدق
وليد : اخليج ترتاحين اي شي تبين انا بالصاله
أنا: وليد شكرن
وليد: ولو ما سوينا شي
يطلع وليد و كل شوي يطل علي احس فيه يغير الكمادات حراراتي تزيد و وليد يحاتي اكثر
وليد: ندى قومي شربي شوربه مفيده لج
أنا: لا مابي ما اقدر بطني يعورني
وليد: شربيها ان شاء الله فيها الشفاء
احاول اشربها اول ملعقه مشت ثاني ملعقه هم بلعتهاا ثالث وحده ماحسيت واستفرغت كل الي بطني على وليد
أنا: اسفه اسفه جدن وليد
وليد: عادي ما حصل الا كل خير ياندى لا تتاسفين
أنحرج اطلب منه يخليني انام يمسح على راسي يطمني انه ما حصل شي انحرج منه
يمرون يومين وانا بالفراش ووليد يداريني
صباح اليوم الثالث احس بالعافيه قدرت اقوم من فراشي افتح باب داري اشوف وليد نايم بتعب ماااقصر تعب معاي وايد
ألبس اسوي له ريوق بدون لا يحس
أنا: وليد يالله قوم بنصير الظهر
وليد: هااا.. شلون قمتي من فراشج لا تتعبين
أنا: وليد مافيني الا العافيه الحمدالله انا اليوم بخير
وليد: والله اليوم احسن لا ما اصدق بروح انادي خالد
انا: كاااني شوف شحلاتي رديت زهره متفتحه ما احتاج خالد
وليد: اي والله كانت الطبيعه محتاجتج اليومين الي راحوا
ابتسم بخجل اغير الموضوع نتريق ويعزمني وليد على طلعه
وليد: بروح سينما
أنا: امممم اي والله احتاج اشوف فيلم
المرض قرب وليد لي اكثر وحبيته اكثر اهتمامه فيني غريب و حنانه كبير
ندخل السينما : اطلب بوب كورن و بيبسي و مارشملوا
يبتسم وليد و يشتري لي ألي طلبته ندخل السينما نقعد ورا القاعه ظلمه و الفيلم جدن رائع بس رومنسي بزيااااده
البدايه كانت حلوه بس الاخوان كل مالهم يتعمقون وانا تعودت كل مشهد مخل لا ارداي اغمض عيوني على قولة الوالد رقابه ذاتيه وليست سلطه رقابيه الفيلم كل مشهد اعمق واقرب من الثاني اتصدد عنه انزل راسي ألتفت مااا اقدر اشوووف هاللقطات لاحظت وليد يطالعني ويضحك
وكل ماطلع مشهد يطالعني و يضحك اشرت له بحواجبي بس عااااد
وانا اتصدد جرحت صبعي من سلاسل جنطتي حس وليد بفزتي وشاف اني ماسكه اصبعي
تله صوبه وقلبي خفق يتفحصه و يمسحه بيده طالعني ومسك صبعي وابتسم التفت للفيلم ولا عاد طالعني ولا قدرت انا اطالع الفيلم
يوصل اتصال من فيصل يبشرني انه رجع ويسأل وينا اطمنه و اقوله راجعين
نرجع البيت نرحب بفيصل و نتحمد له بالسلامه
وليد: رجعت مبجر
فيصل: المؤتمر خلص مبحر
ندى: شلون المؤتمر
فيصل: زيين ممتاز كان ناجح بس كنت احاتيج لو ماخذج معاي احسن
ندى: ان شاء الله مره ثانيه
فيصل : وليد ترا ضاري وحمود وسالم بيتعشون عندنا الليله
وليد: عندكم اجتماع هني
فيصل: تقدر تقول مناقشة عمل
ندى: فيصل و انا وين اروح
فيصل: تقدرين تقعدين معانا
وليد تتغير ملامحه يقاطع فيصل باقتراح: ليش تقعد ليش ماتروح لزوجة خالد تحت
أنا: مااابي ما اعرفها
وليد يطالعني يحط عينه بعيني وده يقول لا تقعدين بس ما يقدر : احسن من قعدت شباب
حسيت بغيرت وليد يطير قلبي فرح اتذكر نوره وحرتي احاول اردها لوليد
فيصل: خالد ومرته ماراح يكونون موجودين
ندى: عادي اقعد عندكم
وليد تخنقه الكلمه يستاذن ويطلع







Sunday, March 22, 2009

عرفتك أكثر




الشارع مليان و الجو غيم والهوا يرد الروح و الصمت حال بيني انا و وليد

اتأمل بوليد وأهوا ساكت جماله يبهر نظرت عينه الحاده تجذب ، صمته وتأمله بالجو يسحر أدور مخرج يطلعنا من صمتنا مافيه هدوء وليد و الجو يجبر الواحد يسكت , أدور على فكره على شطانه على اي شي ينتبه منه بوجودي

أنا: أأأ .. وليد ..

وليد يلتفت بثقل و يركز عينه بعيني : هممم

أنا: أممم اسفه على المارشملوا

وليد يبتسم : بالعكس لا تتأسفين كان أمتع يوم مر علي

أنا بستغراب: شلون امتع يوم؟؟

وليد: أنا بطبعي هادي ولا اعطي مجال الاشياء تعكر صفو هدوئي , في ذالك اليوم صدف انه اكون انا وياج بنفس الوضع انا وصلني اتصال وكنت اكل من المارشملوا و من الازعاج قمت من مكاني وخليته وراي بنفس وقت قعدتج على كرسيي وتكرر نفس الموقف معاج

أنا: جد جد ؟؟

وليد: يب , عشان جذي لفتي انتباهي و كان الموقف ممتع

أنا: كنت ترفع ضغطي ذاك اليوم

وليد بهدوء : وانتي بعد , ها اي نوع تبين ايس كريم

أنا: أمممم استربوري جيس كيك و جوكلت

يطلب وليد مثلي يلمح نظرتي و يرد بدون لا أسأل: اممم بشوف عندج ذوق بالاكل ولا لا

فيصل يتصل يقطع الحوار ادور على موبايلي بين اغراضي وليد امسك بردي بدور الموبايل فيصل داق

وليد: اشدراج انه فيصل بدون لا تشوفين الرقم

أنا: هاذي رنته

وليد يغني مع الاغنيه بصوت شبه مسموع كلما نسنس من الغربي هبوب حمل النسمة سلام وان لمحت سهيل في عرض الجنوب ....ـ
ألتفت له وأبتسم وبيدي الموبايل ارد بعجل على فيصل

ألو هلا فصول

فيصل: أنتم وين

أنا: رحنا نتمشى

فيصل بعصبيه: وين تتمشون ؟

أنا: ب تجينا

فيصل: لا بس ترى طولتوا و وايد ماخذين راحتكم
فهمت نزرت فيصل و فهمت انها بداية غضب احاول ابتسم و ارد ان شاء الله بنرجع ألحين اسكر الموبايل اطلب من وليد نرجع فيصل قاعد بروحه
رجعنا وبكل لحظه اسولف معاها مع وليد يزيد اعجابي فيه نضوجه و ثقله و ادبه واحترامه
وليد: شكل فيصل زفج
أنا: هاا.. لا ..لا بالعكس .. ليش قلت جذي
وليد: هههه اشفيج تبلعمتي
أنا: لا والله ما زفني بس غريب سؤالك انت ابخص مني لفيصل وتعرف انه ما يزفني
وليد: وعشان انا ابخص منج فيه عرفت انه كلمج بغضب
انا: يمكن عشان طولنا
وليد: ويمكن غيرت اخ على اخته
أنا: لاااا فيصل open minded
يقطع كلمنا بوجود فيصل باللوبي يشرب سيقاره
فيصل: وليد طولت كل هاذا تتغدون
وليد: لا والله تمشينا شوي كان الجو عجيب
فيصل: ندى يالله نصعد
استغرب انا و وليد من تصرف فيصل وغضبه
أنا: فيصل اشفيك مو انت موصي وليد علي
فيصل: اي موصيه مو قايل ياخذ راحته ع الاخر وتتمشون لي غروب الشمس لو مو متصل جان راجعين نص الليل
أنا: فيصل تغار



فااااااااصل إعلاني


تعلن الخطوط الجوية الافغنطونيه عن وصول عفره هانم من الديار المقدسه سالمه غانمه من كل مكروه

ونحيطكم علمن بأن الأستقبال الذي سيتم على شرف الفراعنه و على شرفكم في الموفق 1 ابريل

ف نرجو منكم التشرف بالحضور و نذكركم بأننا نستقبل الورود و الهدايا بأنواعها ( عادي سياره) علمن بأن هناك مندوبين لاستلام الهدايا

و شكرن



فيصل: ايه اغار اختي ومن حقي اخاف عليج و اغار << وييينج يا بلوقرستا
أنا: وليد رفيجك و بحسبت اخوك انت تستأمنه على كل شي
فيصل: بس يعتبر غريب و انتي تعتبرين له غريبه
أنا: صج خليجي
فيصل بغضب: روحي نامي عن الهذره
أنا: خلنا نسهر انا وانت ووليد
فيصل: مالج شغل بوليد انتي
أروح داري اخذ شور احوس بداري اسمع اصوات بالصاله وليد و فيصل يلعبون جنجفه وضحكهم واصل لداري
اطلع من غرفتي اقعد ورا فيصل ووليد اجبالي عين بالورق و عين علي يلمح لي اغششه وانا اهز راسي لا بدون لا يحس فيصل
يرد وليد يطلب اني اساعده و اغششه وانا ارفع حواجبي بحركت نذاله و ارد لا
فيصل يطلب اسوي له قهوه و وليد يبي منها بعد
وليد: باجر المؤتمر ان شاء الله
فيصل: اي ان شاء الله
وليد: بتاخذ ندى
فيصل يرفع راسه يطالع وليد بنظره بطرف عينه : اي
وليد: انا وندى اخوان يا فيصل ولا انت مو واثق فيني اطالع لي هالنظره
فيصل: اسف يا وليد انا اثق فيك بس هاذي اختي ياوليد
وليد: أنا فاهم
ندى: اي مؤتمر
فيصل: بنسافر 4 ايام بنحضر مؤتمر وبنرجع
أنا: بس أنا ما أقدر أروح اشتركت بدورة رسم و باجر أول كلاس
فيصل: لازم تروحين انا ما اقدر اخليج ولا اقدر اخلي المؤتمر
أنا: اقعد هني و انت روح كلها 4 ايام و ترجع ان شاء الله
فيصل: بقعد احاتي
أنا: عندي وليد لا تحاتي
فيصل بتفكير و نظره بين وليد وبين ندى و تنهيده خفيه يتعوذ من ابليس ويوافق
الصباح فيصل يدخل غرفة ندى يودعها واهيا نايمه يكتب لها رساله انه ماراح يتأخر يطلع و يوصي وليد عليها
تقوم ندى تغسل و تلبس تقرا رسالة فيصل تطلع للصاله
وليد: صباح الخير
انا: واااو عصير .. انت مسويه
وليد: ايه واول شي الناس تصبح
أنا: سوري صباح العصير
وليد: تفضلي عليج بالعافيه
أنا: يعافيك
وليد: ها وين مشوارنا اليوم
أنا: اممم مادري ما عندي مكان معين
وليد: عيل قومي لبسي انا بمشيج
أنا: وين
وليد: لا تستعيلين بتعرفين
أقوم ألبس خذيت وقت زياده فوق العاده اليوم اهتمامي بلبسي و شكلي اكثر من قبل
أنا: يالله أنا خلصت
وليد تتسع عيونه يفز شويه ويصد بارتباك : اييه يالله
انا: أبي مكان حلو ابي اصور
وليد: طيب بس خليني امر مكان بأخذ منه كم شغله لشغلي وبروح
نوصل للمكان وليد ينزل ياخذ له اوراق وملفات وانا اصور بكل مكان لاحظت على الصور كلها قريبه من وليد بل اكتشفت انها كلها لوليد
يركب وليد السياره: بسج تصوير فيني
أنا: بسم الله الرحمن الرحيم انت تخرع شدراك اني اصورك
وليد: عندي الحاسه السادسه
أنا: شكلك كان حلو مع الملفات صورتك
وليد: احم احم
أنا: مو انت الي حلو الاوراق
وليد: انزين شكرن.. في مطعم بحري قريب تبين نتغدا فيه ؟
أنا: اي اوكي ماعندي مانع
المطعم صخره كبيره وتحتها ماي شكل المطعم من بره رااائع ما مداني ألقط الاسم دخلنا واخترنا طاوله صاده وعلى زاويه
أنا: وااااااااو المطعم عجيب وهادي
وليد: حيل خيالي كل مره اجي لازم ازوره احس فيه براحه
أنا: صااج جدن مريح
وليد: أول مره جيته كان عمري 18 مع الاهل
أنا: وااو معقوله يبقى نظيف و يديد جذي
وليد: ايه مع الصيانه و الاهتمام والمتابعه
بدا وليد يسولف بمواضيع اكبر مني ولا تهمني دخل بالصيانه و الميكانيكا و السياسه و انا مستمع منغث ولا عارف شلون يغير الموضوع
وليد: في نفس السنه توفى الوالد
أنا: والدك متوفي ؟؟
وليد: اي و الوالده بعد
حسيت بحساس غريب حسيت بقرب وليد و بمشاعره بفقد اعز ناسه عشت وضعه وشعوره
أنا: الله يرحمهم
وليد: امين ,, بعدها خذاني عمي وربيت عنده وماقصر معاي بس مرته ماكانت تتحملني ولا انا تحملت تسلطها
أنا: ماقلت لعمك
وليد: احب عمي ولا ابي اغثه بمرته كانت تتعمد انام بدون عشا و تطقني بدون سبب وكانت تحاول انها تخلي عمي يستولي على ميراث ابوي بحكم انه هو الوصي علي
أنا باندماج : وبعدين شصار
وليد: عمي يخاف ربه و لا يحب ياكل مال يتيم وايد تهاوشوا عشاني مع انه عمي ماعليه قصور بس مرته طماعه و تبي القصور الي ورثتها من ابوي
أنا: وكبرت عندهم
وليد: لا بس سنتين و طلبت من عمي اسكن بيتنا
أنا: بروحك ؟
وليد: انا وحيد امي وابوي وكنت اعيش مع الخدم ألي لازالوا موجودين والله رزقني بفيصل وصار اخو دنيا
حسيت بالدموع تخنقني كسر خاطري وليد عايش وحيد .. فقد امه وابوه واهوا صغير ولا له اخ ولا سنيد حمدت ربي انه فيصل عندي
وليد حس بدخول العطف لقلبي غير الموضوع بمداعبه يخفي فيها حزن قلبه
و بمجالستنا و بسوالف وليد الممتعه تدخل بنت طويله حلوه يفز لها وليد يقطع حوارنا يقوم يلمها و اهيا تسلم بحراره
كشيت من الموقف و مليون سؤال يعبرني منو هاذي؟؟ وليش وليد يسلم عليها جذي؟؟ وليش اهيا تلمه بشوق جذي ؟؟
معقوله تكون زوجته ؟؟ خطيبته ؟؟ حبيبته ؟؟ ايه ليش لا واحد بهالعمر ما عنده احد مو معقوله ؟؟؟
بدت الغيره تدخل قلبي وبدت ملامح الانزعاج تبين علي اتصدد أطلع موبايلي اتعبث فيه احاول اكل بعدم اهتمام من الموقف بس قلبي شغال يبي يعرف منو تكون ؟؟


يتبع






ملاحظه : اذا فيه اخطااء املائيه لا تدققون

Tuesday, March 17, 2009

Hashi




بعد ليل جميل مع فيصل نرد البيت تعبانين أنا أروح داري انام وفيصل يتصفح أوراقه
نمت 27 ساعه بدون احساس والسبب إرهاق وتعب , فيصل يطل علي مخترع من نومتي يشوفني أتقلب بفراشي يرتاح ويرجع يسكر الباب
أقوم من نومي أغسل و ألبس أطلع من غرفتي الشقه هدوووء مافي أحد
ألتفت يمين يسار مافي حس
أروح أخذلي عصير أقعد يم الدريشه اتأمل الجو
يوه يوه يوه وليد يلعب كرة سلة بروحه
انسى الجو وأشوف وليد
ترن ترن ترن تليفوني يدق
أنا: ألو
دلول: ألووووووووووو ندويوه وويعه ويييينج ناسيتني مو قايله طمنيني عليج
أنا: دلوووووووله ولهت علييييييييييج سوري حبيبتي لهيت مع فيصل ووليد
دلوله: وليد منو وليد.؟
أنا: دلولوووه وليدوووه الأسباني صاحب المارشملوا
دلوله: حلفي شجابه لكم ؟
أنا: لووووووووول بالصدفه وليد رفيج فيصل الروح بروح
دلال: اهوا ساكن عندكم
أنا: يمنا
دلال: وانتي للحين شطانه معاه ؟
انا: للحين مختبصه مادري شسوي متفشله حدي من الموقف
طوط طوط طوط
فجأه ينقطع الاتصال أرد اتصل و لا أحصل الخط
أرد اتأمل بوليد
وليد يسحر بجماله وبثقله وعلى كلام فيصل انه مو صاحب نسوان وما ينخاف منه
أيييييييييه ياوليد لو دلول هني ما خلتك تلعب بروحك
اروح احوس بالشقه اسمع باب الشقه يتبطل ألتفت يطلع وليد
وليد: صح النوم
أنا: مساء الخير وين فيصل
وليد: فيصل راح مشوار وراجع ان شاء الله
أنا: ابي أروح المول احتاج اغراض
وليد: يالله انا اوديج
أنا: لا لا لا شكرن انطر فيصل
وليد: احتمال يتأخر ,, دقايق أبدل و نروح سوا
أنا: أوكي
نص ساعه يلبس وانا أتحلطم (( شيسوي كل هاذا تبديل لو أنها عروس خلصت ))
وليد: تأخرت
أنا: لا أبد ما حسيت بالوقت
بالطريق ناس تسوي رياضه و ناس تمشي حيواناتها وناس رايحه لشغلها
أنا: أبي كاكاو
وليد: شوفي ركن الكاكاو هناك
أنا: أبي فراوله
وليد: تعالي كاهي الفراوله
أنا: أبي كريمه مخفوقه و كيكة كاكاو
وليد: انزين نسأل عنهم ,, خلصتي
أنا: بعد أبي ..أأأأأ.. .... ماا... مارشملوا
وليد يطالعني ويبتسم وأنا أكلم نفسي (( هييييه لا تطالعني جذييييييي وخزيتااااه ))
رجعنا للبيت



فاااااااااصل إعلااااني

إلى كل طبيب أسنان ما عندكم مخدر غير أبر البنج
ضروووسي تعورني وفكي ما اقدر أحركه و السبب ابرة بنج
أأأأأأأأأأأأأأأأأأأي يسنااااني



فيصل: وليد تراه بتجننك
وليد: لا عادي تعودت عليها
أنا عيوني تزقلل و تطالع وليد خوفا من فيصل لا يكتشف لغز معرفتي السابقه فيه
فيصل: بكره اجتماع
وليد : زين نطلع سوا
أنا: وأنا وين أروح
وليد وفيصل يلتفتون على بعض
فيصل : تروحين معانا
وليد: ونتغدا سوا بعد الاجتماع
فيصل: بس انا مشغول بعد الاجتماع
وليد: خلاص نطلع انا و ندى اذا تحب
فيصل: اي مو مشكله عندي اذا ندى راضيه
أنا بتفكير اممم طلعه ثانيه مع وليد : اي اوكي المهم اطلع
و صباح يوم الاجتماع نقزت من الساعه 8 مادري شنو ألي مصحيني بدري ومادري ليش احساسي بالفرح
أفتح الدريشه يدخل الهوا استنشق نسيمه
ألبس على عجل أطلع من باب غرفتي أشوف وليد
وليد: صباح المارشملوا
أنا و خدودي حمرا : صباح الخير
الله شنو هاذا عصير,, انت مسويه
وليد: ايه ذوقيه
أنا: امممم ماااصخ << الصراحه كان حلو بس ما هان علي امدح فيه
وليد: يمكن ينطرج تزيدينه انتي سكر (( هيييييييييه خيييير قال مش بتاع نسوان قااال ))
بخجل أقلب الموضوع وين فيصل طلع بعد
وليد: اي سبقنا
أنا: صاير عجول ما ينطر احد
وليد: لا تلومينه دراسه و شغل زين يلقى وقت يرتاح فيه
أنا: اوكيه نطلع عشان نلحق عليه
وليد: عطيني 10 دقايق ألبس
ال 10 صارت 45 (( يااااااااربييييييه ودي أعرف شيسوي هاذا لو انه نبيه تحط ميك اب كم بياخذ ))
وليد: يالله نطلع تأخرت عليج
أنا: لا ابد كنت احوس ولا حسيت بالوقت
وليد: معليه ندى أنا أتاخر شوي
أنا: ليييييه ؟؟ <<< لقاافه
بالطريق تكلمنا عن كل شي ( النظافه , الحريه , النظام , الناس , الفرقات , الدين )
وصلنا قاعة الاجتماعات ولقينا فيصل بالمدخل
فيصل: تأخرت يا وليد
وليد: أسف بس السير كان بطيء
فيصل: يالله خلنا ندخل
انا: وأنا وين أقعد
وليد: تعالي معانا
فيصل يوافق وليد على عجل
دخلنا قاعة الاجتماعات وأول مره احضر اجتماع بحياتي جلوس الحضور واضح منه الرقي
شوي شوي بدا يحتد النقاش وأنا ساكته زي الاطرش بالزفه فيصل يتناقش بحده مع المدير وليد يتصفح الاوراق ويرفع عينه يطالع عيني وانا جني مو منتبهه لنظرته يدخل وليد بالنقاش يطرح اسئله ذكيه و بنود قويه يسال أسئله جوهريه و يطلب البنود للاستناد عليها يعصب ويرد يهدا بسرعه
فيصل : ندى تبين تشربين شي
أنا: لا ثااانكيو
يلتفت وليد عينه علي واهو يتكلم مع الاعضاء الموجودين
ألتفت له وأبتسم أخذ ورقه من الموجودين أقراها يعني بفهم شي لكن تجاهل لنظرات وليد
وليد: ندى ممكن تعطيني الورقه ألي معاج
أنا: ها ... اي هاك
وليد يقراها بتمعن (( ألحين الورقه ما طلعت مهمه ألا لما مسكتها ))
ينتهي الاجتماع وفيصل يلهى مع المدراء
نتفق أنا وليد نتغدا و فيصل يلحقنا
نوقف عند مطعم Zuma
وليد: تحبين الاكل الياباني
أنا: اييي احب السوشي
وليد: اممم شرايج تتغدين اليوم على ذوقي
أنا: اممم اوكي بس اذا ما عجبني اطلب انا غدا ثاني لي
وليد: اتفقنا
وليد يتعامل معاي وكأنه ناسي شطانتي معاه من قبل كل ما اتذكره استحي اطالع فيه
نتغدا والأطبااق كانت لذيذه لذيذه لو مو العيبه طلبت اكثر بعد
أنا: مااا أعرف أكل بهالاعواااد
وليد: انا أعلمج ,, عطيني ايدج
أنا مستحيه : هاا لا خلاص مابي
وليد: عطيني ماراح أكلج
ياخذ ايدي وليد يحط العود الاول على ابهامي يثني اصبعي السبابه و الوسطى ويحط العصا الثانيه داخلهم ويسندها فوق اصبعين البنصر والخنصر يشرح لي طريقة تحريك ايدي وان بلا شعور اسرح بعيونه حسيت بحنانه رغم قوة شخصيته
ينتهي وليد من شرحه بدون احساس مني ب نتهائه
وليد: بالياباني يسمون هالاعواد هاشي hashi
ساعة مرت مع وليد جنها دقيقه سوالفه كانت ممتعه جدا فيه روح المرح تعكس شخصيته الثقيله الرزينه
يدخل فيصل يأشر له وليد
فيصل: سبقتوني وتغديتم
وليد: يوعانين وين تبينا ننطرك على ذيك اللويه ما توقعناك بتلحق علينا
فيصل: اي والله هلكت اليوم , هااا ندويه عرفتي تاكلين بالهاشي
أنا: اييه و الفضل يرد لعم وليد
وليد: عم
فيصل: صرت عم يا وليد
سولفنا اكثر ضحكنا اكثر واكثر ,, يرن موبايل فيصل عمل طارئ يستاذن ويوصي وليد علي ويقولي اشوفج بالبيت اخيتي ويطلع
أنا: فيصل لاهي وايد
وليد: انت تعرفين انه فيصل بينهي شغل الوالد الله يرحمه هني عشان اذا تخرج يقدر يرجع للكويت وهوا مرتاح فهالسنه صعبه عليه شوي
أنا: اي قالي
وليد: في كوشك ايس كريم بنفس الشارع تبين
أنا: ياليت


إعلان تجاري

تبي تسأل ,, تبي تعلق تعليق خارجي ,, ودك تسولف ,, ودك تفضفض ,, ودك اب عاااايس كريم
كلمني اب دردشني
:P
يتبع

Saturday, March 14, 2009

متابعي قصة المارشملوا

تحديث
أشكر الاخت تروث على المساااعده
مااااااااااتقصرييين حبيبتي ;**




اوقف متصلبه مليون سؤال براسي
منو هاذا و شيطلع وشعرفه بخوي ؟؟؟؟؟
يقربون صوبي اخوي يطالعني ويبتسم يأشر لي تعالي
أنسى الموضوع أركض له بوله و بشوق
ألمه وأقوله ولهت عليييييييك ماراح اهدك مره ثانيه لا تحاول ترجعني الكويت بقعد عندك
يضحك ويقول: ياشيطانه انا بعد ولهت عليييج ولا أبي اهدج تعالي أعرفج برفيج دربي وليد
أبلع ريجي وبيني وبين نفسي (( رفييييجه و خزيااااه شيبي يقول عني عنده لا بلااااه سود وجه اخوي ))
اسمع صوته ينادي : ندويه يالله
أنا بتوتر : يالله جايه
فيصل: وليد أعرفك على اختي ندويه مالي غيرها بالدنيا من بعد امي و ابوي وتقدر تقول دلوعتي
وليد مبتسم وجنه ما شافني من قبل : هاذي ندوي ألي ذبحتنا فيها بس تسولف عنها .. واخيرن شفناها ياهلا بندويه
أنا بضحكه بارده : هلا وليد
اخوي: ندويه هاذا وليد رفيج الدراسه و تقدرين تقولين رفيج دربي ما استغني عنه ولا يستغني عني
أنا: مرحبا وليد
فيصل بضحك : اشفيج صايره ماكوك هلا وليد مرحبا وليد وين شطانتج مو بالعاده !!
أنا : هااا لا ولا شي بس بطني يعورني من اكل الطياره
وليد : اكيد انتي طالبه دياي و معطينج لحم بالغلط ؟! وايد صايرين يغلطون المظيفات هاليومين ؟؟
أنا بتوتر و تبلعم : ها لا بس شبعانه شكلي كثرت
اغير الموضوع اجر فيصل اقوله خلنا انروح الشقه تعبانه برتاح
فيصل: اي يالله مشينا حياك وليد غرفتك مرتبه ومزهبه تنطرك
أنا فاتحه عيوني لاقصى مدى ولا شعوريا : بيروووح معانا ؟؟
اخوي: اي بيروح معانا غرفته يمنا مو قلت لج رفيج دراسه اكيد بيروح معانا
وليد يكتم الضحكه يلتفت لي ويبتسسم
وانا أردد بيني وبين نفسي : الله يستر لا يفضحني عند اخوي ويقوله اني شريت صوغه لفريجنا كله على حسابه
اامسك ايد اخوي بقوه أرفعها و أبوسها أقوله الله يخليك لي يارب
فيصل يضحك ويقول: امشي بوريج شريت لج وانتي بالكويت
أنا: والله ذكرتني
فيصل : وانا اقدر انسى اخيتي حبيبتي
أنا: يالله بسرررعه عجل ليش بطيييئ انت
فيصل يضحك ويرد: توه بطنج يعورج ألحين اطلعت شطانتج لما دريتي في هدايا
أنا أبتسم وأقوله : لاااا خف العوار بشوفتك
فيصل: يالعياره
وليد يمشي ورانا يتمقل فينا ويبتسم
وصلنا الشقه ركضت لغرفتي أفتحها و أشوف هدايا فيصل كلهم باربيات
أنا: فييييييييييييييييييصل
فيصل : يااااعيونه
أنا: شنو هاذا انا كبرت لي متى بتشتريلي باربيات
فيصل : لو يصير عمرج مليون سنه بشوفج ندويه اختي الصغيره المدلله
أنا : فيييييييصل شسوي فيهم هذول ألحين صار عمري عشريييين وانت للحين تشتريلي باربيات؟؟
فيصل يقهقه : حبيبتي روحي شوووفي ورا الباب شنو فيه ؟؟
أنا: والللللللللله فيه شي
أركض أطل ورا الباب اشوووف صندوق كبير اجره ابطله اشوف ملابس وايد جناط اكثر جواتي من كل نوع
اتنطنط اناقز و اصيح واااو شرييييييت الجنطه ألي ابيها
أركض أحضن فيصل و اتنطنط معاه و اصيح أحبك أحبك أحبك يا ااحلى اخو بالدنيا
فيصل : الله الحين ما حبيتني الا لما شريت لج هالجنطه
أنا وانا ماده لساني و بعياره : لا كنت احبك بس زاااد حبك اكثر بعد هالجنطه
فيصل: ألحين تعالي انا شاريج صندوق شكبره ماشفتي ألا هالجنطه
أنا:لا بس هاذي كنت ناويه اشتريها لما اوصل اهني و انت سبقتني و شريتها ، احبببببببك احبببك
يقطع حوارنا جرس الباب
يروح يفتح الباب ويطلع وليد
فجأه يصكني مقص ابطني
فيصل: هلا وليد تفضل
وليد : ها شتسون اسمع صراخ
فيصل : اي هاذي ندويه الشيطانه , تصدق توها تحبني عشان شريت لها جنطه
وليد يضحك : لا عيل اشترلها سياره مره ثانيه خلها تموت فيك دامها حبتك بس من جنطه
أعتذر على عجل استأذن : أنا بروح ارتب جناطي تصبحون على خير
فيصل: قعدي معانا خليها بعدين
أنا: لا مابي انته تعرف اني احب اخلص شغلي اول باول
فيصل : من متى ؟.
أنا ألتفت لفيصل و بنظره يعني أحم أحم
فيصل يضحك : وليد مو غريب
وليد : خلها براحتها يمكن للحين تحس بمقص
أنا: استأذن تصبحون على خير و أركض لغرفتي
اسكر الباب بسرعه ومليون سؤال براسي ياترى يقوله ولا لا ؟؟
ألزق اذني من ورا الباب اسمعهم يسولفون محد جابلي طاري ؟
قلبي يشتغل : ياااااربيييه ماتعودت انام هالحزه ودي اقعد مع اخوي اسولف بس هاذا مو معطيني مجال , شنو ياااندويه بتقعدين طول رحلتج جذيه منخشه بغرفتج كل مادخل ؟؟؟ لا لا لا لازم تلقين لج حل باجر روحي كلميه و عطيه المارشملوا وتأسفي وخلاااص مالج شغل فيه انتي سويتي ألي عليج وبعدين انتي شدراج انه رفيج فيصل
ياااربيه اشفيييني صرت خبله اكلم عمري و اتحلطم
ارد احط اذني على الباب اسمعهم بدوا يسولفون فيني فجأه أقطعهم بفتح الباب : احم احم
فيصل : ها ياطول عمرج , خلصتي ؟
أنا: ايه رتبت خلصت
وليد يقدم راسه شوي يطل على غرفتي يشوفها ويبتسم وأنا ألمحه واجر الباب بسرعه قبل لا يلحق على الباقي و يكتشف اني ما سويت شي يحط عينه بعيني و يبتسم
وانا اطالع جنه شي ما يهمني
فيصل : تعالي دلوعتي قعدي عندي
أنا : ابي شي اكله يوعاانه
وليد: عندي مارشملوا بجنطتي تبين
أنا: شكرن ما أحبه
فيصل: ها من متى ماتحبينه وليد تراها عياره تمووت على المارشملوا
وليد: اقوم ايبلج ؟؟
أنا: لا مشكور فيصل خلنا نروح نتعشى بره مشتهيه بيتزا
فيصل: من عيوني يالله روحي لبسي .. وليد وانت بعد روح غير لانك بتتعشى معانا
وليد: لا أنا اخليكم تعبان و ابي اريح عليكم بالعافيه



يتبع


====
تحديث الاجزاء الاولى من قصة المارشملوا
الجزء الاول
في قاعة الانتظار وبين ازدحام الناس اشتريت مارشملوا
ذهبت لأجلس منتظره موعد اقلاع طائرتي
أتفاجأ بالمقاعد ممتلئه فيخب ظني فذلك يعني بأني سأنتظر ساعه وأنا واقفه
لمحت من بعيد مقعد به هاند باق صغيره و بجانبه مقعد تعلوه جريده
هرولت له مسرعه خوفا من اي مسافر يسرقه مني
أخرج المارشملوا من حقيبتي أتلذذ به
أعشق المارشملوا فكلما أكلته أغمض عيني و أتذوقه بخفه ليذوب داخل فمي ويتسلل في ريقي ليعطيني طعم السكر الذي أعشقه
تصلني مكالمه أسرع بالرد
ألو دلوله .. ألو.. ألو
ألتفت على من بجانبي لأغمرهم بنظره حاقده عسى أن يصمتوا
فهم يسببون لي ازعاج لا أكاد اسمع به ماذا تقول صديقتي أقوم من مكاني مسرعه تاركه حقائبي و المارشملوا خلفي أذهب لزاويه قريبه أكلم بها صديقتي وعيني تراقب المارشملوا
تسرقني بحكاويها فنضحك سويا تقوم بتودعي اخيرا تنتهي المكالمه بطمنيني عليج اذا وصلتي حبيبتي ولا تنسييين صوغتي أودعها قائله : أن شاء الله خيتو ديري بالج على عمرجأغلق موبايلي لأتذكر المارشملوا الذي أنستني اياه دلول
ألتفت له واتفاجأ بشخص جالس بمقعدي يقرأ الجريده أسرع له وأنا أتسأل أين حقائبي أين المارشملو
أصل له وبنظرة غضب أقول
أنا : أحم أحم لو سمحت هاذا مكاني
هو رافع رأسه مبتسما : اي صح كان مكانج بس انتي قمتي وصار ألحين مكاني
أنا: نعم شنو يعني ؟؟
يكمل قراءة الجريده وكأن لا أحد هنا
يزداد غضبي اضرب وجه جريدته قائله : هلوووو ممكن تقوم هذا مكاني اولا .. وثانيا وين جنطتي و المارشملوا ؟
يرفع رأسه وهو مبتسما: جنطتج بالكرسي ألي يمي تحت هاند باقي وماشفت اي مارشملوا هني
أنا: شنو يعني ما شفت يعني وين يروح ؟؟ وبعدين شيل هاند باقك و اقعد مكانها عيب تاخذ مكان غيرك ؟؟؟
هو: عفوا بس هاذا كان مكاني وانتي قعدتي فيه و ماقومتج مثل ما انتي تسوين فيني ألحين
أشد نفسي غضبا و ألتفت حولي أرى الكل ينظر إلينا ، بغضب اقوم برمي حقيبته على الارض و اجلس مكانها
يرفع عينه يراني غير مكترثا بما فعلت فينزل راسه ويكمل قراءته
أستعيذ من ابليس وأنا أحضن حقيبتي شاده بنظري أمامي
أسمع صوت قرقعة كيس
ألتفت لأرى صاحبي يأكل المارشملوا
ازداد غضبا اكاد انفجر لا شعوريا أقوم بجر الكيس وأنا أصيح
ماااااااااالي وتقول ماشفته بعد
يعلنوا عن فتح بوابة الطائره
ينظر إلي مبتسما مره أخرى ويهيم بالقيام حامل الهاند باق قائلا : كان لذيذا وله طعم خاص على العموم اعتبره رد دين لجنطتي ألي حذفتيها بالأرض رحله سعيده
يذهب تاركاً بركاناً يغلي بصدري
أكاد أنفجر وأنا أتمتم بداخلي : وقح وقح
يتبع
===
الجزء الثاني
أخذلي حلاوه بطعم الأورنج أفتح الاب توب أدخل على طول الوردعندي استعداد تام لتكملة بس يخوني التعبير وتخوني الحروف أحاول أتذكر اللحظات و الوقت ألي كان ، الذكرى تعطيني دافع أكثر للكتابه لا شعوريا أصابعي تقودني وأبدي السرد
=======
في تلك اللحظه أصبح الغضب يغمرني فلم يبقى سواي في قاعة الانتظار وال نيران تشتعل في صدري ..
صرخه اكبتها
لم أرى وقاحه كهاذه بحياتي ولم يعاملني أحد بكبر و تجاهل مثله ؟؟
فمن يعتبر نفسه هاذا ؟؟
وكيف يأكل المارشملوا و يذهب دون أن يتأسف ؟؟؟
أي وقح بدأت به رحلتي ؟؟؟
أحمل حقائبي أركض لبواية أقوم بإجراءات الدخول أتبع المظيفه لمقعدي
أجلس أخذ مجلة الشوبنق أتصفحها أبحث عن هدية لأخي فكم من الوقت لم أراه لدراسته وكم من الشوق الذي أحمله له ..
فقلبي يشتاقه وعيني متلهفه للقائه
تلمح عيناي ظل جاري يخاطبني قلبي دون النظر إلى من بجاني : يبدو بأن جارنا رجلاً
أكمل بحثي غير مكترثة ب جليسي
أسمع أحدا يخاطبني : تظنين أن رحلتنا بتكون خفيفه ؟أ
رفع رأسي وعلامات الاستفهام تملئه : عفواً
اتفاجأ بأنه صاحب المارشملوا فأصرخ : أنت ؟؟؟؟
هو: شفتي الصدف كنا جيران بقاعة الانتظار و شكلنا بنكون جيران بهالرحله
أنا: مادري منو داعي علي قبل لا أطلع ؟؟؟
هو يبتسم ويقول بكل برود : ماجاوبتي على سؤالي ؟
تتوقعين رحلتنا بتكون خفيفه ؟؟
أنا: لا والله شكلها بتكون كبيييييييسه
يضحك بثقل يأخذ جريدته ويقلب الصفحات بثقل
أنا: وأنت للحين ما خلصت جريدتك
هو بثقل : لا كان في نااس مزعجين ماخلوني أقراها
أنا: أيه أكيد هالناس ماصاروا مزعجين بلاااااش أكيد في أحد ضايقهم
يرفع راسه مبتسما بخبث : اوووووص يصير تسكتين وتخليني أقرا
أنا بغضب: شنو أوص شقالولك ياهل ومنو قال اني بكمل رحلتي معاااك ناااقصني عوار رااااس ؟؟؟؟؟
أنادي المظيفه اطلب منها بتغير مقعدي ف أتفاجأ بمتلاء المقاعد يخيب أملي فكان هو قدري بتلك الليله
هو: شكل ربي يحبج
أنا : حيل شكله يحبني و الدليل انك جاري برحلتي
هو: تدرين انه من حظج السعيد اني جارج ولا العاده احجز كرسين عشان ما يكون في مزعج ييمي
أنا : ألا من حظي التعيس ياليتك حاجز كرسين أريح
هو: هو صحيح أنج مزعجه بس شنسوي يالله نتحملج
أنا : شكرا جزاااك الله ألف خيرا
يكبت الضحكه ويبتسم ويرد ببرود : عفوا
أقوم بنظر إلى نافذتي أسرق النظر إلى الغيوم أحاول الاستراخاء و صاحبي يقوم بإرجاع كرسيه استعدادا لأخذ قيلوله
يلتفت إلي : اذا ما عليج امر اذا جاء الاكل طلبي لي دجاج وبليز قعديني المارشملوا حالي حيل وسبب لي حااارج
الحقد يملئ عيناي أكاد أنفجر أرد: شايفني خدامة بيتكم أقعدك ؟؟؟؟؟؟؟؟
هو: لا بس بتكونين مشكوره اذا قعدتينيفكره خبيثه ترتسم بذهني قأبتسم و استطرد : ان شااااااااااااء الله تامر امر
يتبع

الجزء الثالث

What would u like to eat mam ?
ooh yes, I want chiken for me and met fo this man please.
أنا: أنت أنت قوم تغدا
هو: في انثى تقعد رجل بهالطريقه الله يعين ألي بياخذج
أنا: ماراح ارد لانه مابي اعكر مزاجي بالرد عليك
أصد عنه أبدي أكل غداي
أسمعه يصرخ
لحم للللللللللللححححححححم ؟؟؟؟
منو قال ابي لحم ؟؟؟
أنا: هاااو انت مو قلت تبي لحم و ماتحب الدياااي تتحسس منه ؟؟؟
هو: قلت ابي دياااي ما قلت لحم ،اللحم أهوا الي اتحسس منه
أنا: وأنا شدراني شنو الي تحب وشنو الي تكره قالولك مرتك ولا مرتك عشان اعرف شلي تبي تاكله و بعدين احمد ربك اني قعدك هذا بدال ما تقول مشكوره ما قصرتي و...ـ
فجأه يسكتني بس بس بس صدعتي رااااسي
اصد عنه وانا قامته ضحكتي أسمعه يكلم المظيفه يبي يغير وجبته
ترد عليه بالاسف انه الموجود بس لحم
يرضى بالامر وعينه علي بحقد يطلب بس سلطه و خبز و بتر
قاعده بمكاني و جهي سيده و عيني تشوفه بالطرف ياكل بغصب
أبتسم وأقعد احوس بالصحن و أقول: والله خووووش طبخه بصراحه خوووش دياي تبي ترا باااقي شويه مع العظم اذا ودك تمصمص العظم لا يردك ألا لسانك
هو: شقالولج جلب امصمص عظم
أنا و شاقه وجهي ابتسامه : لاااااااااااااا محشووووم وبعدين لا تقول عنك جلب ترا حقوق الانسااان ماترضى
يصد عني ولا يرد علي مسكين شكله جوعااان
ألتفت على دريشتي واضحك
أرد كرسي ورا احاول اخذ غفوه
يبدون توزيع القهوه
رفعت الكرسي ابي اطلب قهوتي
يسبقني ويقول: sorry my wife can not drink coffee.
المظيفه تبتسم وتروووح ولا ترد علي
أنا اطالع عيوني تزقلل أقول: شنو شنو شنو وااااايف ؟؟؟
هو : القهوه مو زينه عليج
أنا: انت ما تستحي شلون تقولها واايف
هو : شسوي بعد اذا ماقلت لها جذي بتعطيج القهوه
اتنرفز
افكر بخطه
افكر بداهيه تقهره
وصار وقت عرض المبيعات
قعدت اختار شبي هديه لاخوي
وشريت لي عطر و مااا نسيت دلوووول
وكل ما اشتهيت خذيييت
سألتها السعر جاوبت 250باوند
لفيت عليه : زوجي حبيبي مااايغلون علي صح ؟؟
اهوا مليون علامة استفهام بجبهته ؟؟
أنا: حبيبي اشفيييييييك تنحت يالله ادفع خل المره تروح
ينتفض ويلتفت ويبتسم للموقف ويطلع بوكه ويدفع
خذيت الاغراااض و عيني بعينه تبتسم و تقوله توووب مره ثاانيه تقول انك ريلها
هو يقرب راسه شوي علي ويقول: عاد ريلج ما يستاهل بوسه بعد هالصوغه الي شراها عشانج
عيوني طارت :وايد مصدق انك زوجي مابقى الا هاااذي
يضحك وأصد عنه بعصبيه
ومع مرور الوقت يعلن الطيار عن وصلنا
أنا: اشووووووووووه بفتك منك
اهوا: عاد تصدقين صج انج كنتي عظمه بلعومي وانتي قاااعده معاي بس كانت الرحله ممتعه
أنا: يالله دامنا وصلنا قول ألي تقوله مااا يأثر فيني
هو: مع السلامه يا مس مارشملوا
أنا : مع السلامه يا مستر ملقوووف
ياخذ الهاند باااق و يطلع بسرعه جنه مو مصدق انه وصلنا
استبردت رحت فتحت جنطتي طلعت جاكيتي ولا أنصعق بجيس المااارشلموا طااااااح بحضني
منو مااال هاااذا
شجابه لجنطتي ؟؟؟
تذكرت لما شريت المارشملوا وقعدت بالكرسي وانا ارتب نفسي حطيته بجنطتي
وخزيااااااااااااه يعني المارشملوا الي كليته له اهوا
وااااي فشللللله
ما بقي شي ما قلت له زف و زفيته ملقووووف وقل له
وخزياااه وخزياااه أخرتها طلع ماله
اخذ موبايلي على طول ادق على دلول
أنا: ألو دلووووله لحقيني
أهيا : الحمدالله على السلامه متى وصلتي
أنا : تو ألحين سمعيني لحقيني
أهيا : اشفيييييج
أنا: كليييت مارشملوا الرياااال وعبالي مارشملوا مالي وقلت له ملقووووف
أهيا: يالي ما تستحين حتى اهناااك ما سلموا منج
أنا: هيييه لا تقعدين تلومين فيني انا مو مقصره بعمري
أهيا : أقولج ندوي الولد مزيوووون ؟؟
أنا: وااااي حدج فاضيه اقولج ساعديني تقولين لي مزيووون
أهيا : اي خو هاذا الملزوووم عشان اساعدج اذا حلو يستاهل تتأسفين اذا لا خليه يصطفل
أنا: ويعه زيييين
أهيا : هااا ماقلتيلي مزييون
أنا: اسبااااااني
أهيا : وه وه وه من صجج اسبااااني ماكله مارشملوا اسبااااني وليش ما كليته اهوا
أنا : دلوووولوووووه جوزي عني حدج متفرقه وانا حدي متفشله
أهيا : تسااااهلين وبعدين ياااحبيبتي انا كم مره أعلمج الاسبانييين ما تغلطييين عليهم والخربش بربش حييييلج فيهم
أنا: يالله باي انتي مامنج فاايده بروح اخذ جنطتي اكيد اخوي ينطرني
اسوي الاجراءات اطلع من بوابة القادمين و ألمح أخوي
أركض له بشوق
و أتفاجأ بواحد وقف بينا
زوله مو غريب
والهاند باق هااذي مو غريبه
اخوي يأشر علي و يلتفت صاحبه علي
بققت عيوني وقفت مكاني : أصيح بواااق المارشملوا
وانا للحين عندي بواااق طلعت انا البواقه مو أهوا
بس هاذا شعرفه بخوي وليش يسلم
قلبي يرقع طاااح بطني
الله يستر ليكون عرفني اني اخته و قعد يشتكي له مني
مابي مابي مابي اروح اسلم لما يروح بروح اسلم
فجاه
أشوف اخوي يقرب لي واهوا معاااه يطالع فيني و يبتسم
* القصه حقيقه و منقوله من لسان راوي