Tuesday, December 29, 2009

الحياة إما أن تكون مغامرة جريئه أو لا شيء!

و مثل ما قالت هيلين كلير: الحياة إما أن تكون مغامرة جريئه أو لا شيء!
وايد مروا سنين من حياتي بدائرة مغلقه
همي الوحيد شنو بيقولون الناس عني اذا سويت جذي
و اكتشفت انه هالهم تعب لانه عمر الناس ماراح ترضا عن اي تصرف يسلك من اي انسان والسبب اما يكون ديني و اما ان يكون طائفي و اما ان يكون تقليدي واما ان يكون غيره و حسد و حقد
و من بين تجولي بالانترنت من قبل سنين لقيت هالمقولة و فعلا غيرت اشياااء وااايد بحياتي
صرت اكثر جرأه من قبل
صرت لما ابي اسأل للعلم اسأل بدون حياء و صرت اذا ابي اخطو خطوه اخطيها بكل ثقه و جرأه من قبل و تحمل العواقب الي بتصير لي ..
ما انكر انه بعض المرات يجيني حياء و خوف و ربكه من كلام الناس و انه هالشي لازال فيني لكن تحسنت وااايد عن قبل و صار مااا يهمني كلامهم كثر قبل
هالمقدمه هاذي كلها
ابي بس اوصل رساله لي و لنفسي و لغيري ليستفيد
انه عمر الناااس ماراح ترضا عن اي عمل سواء زين او شين
سواء حضاري او متخلف
للاسباب الي ذكرتها
عيشوا حياتكم مثل ما تبون و سوا الي تبون لكن لا يخالف دينكم ولا مبادئكم
الاهم من كلام الناس انكم تقتنعون في الشي الي سويتوه  و انتم راضين عنه و الباجي مو مهم
لانه ممكن انك تخطو خطوه جريئه تفتح لك ابوااااب ما كنت متخيل انه بتتبطل
ممكن تلاقون الرزق وممكن تلقون الشهره و ممكن تكون الخطوه الاولى لنجاحكم
و تذكروا الي قالته هيلين : الحياة إما أن تكون مغامرة جريئه أو لا شيء!

7 comments:

رورو الشخبوطه said...

السلام..

صاجه ..

الناس ساعات تنقد لمجرد النقد وللاسف جان زين نقد بناء ..

!!وفي ناس تعيب وتلقينها تقلدج عقب

وارضاءالناس غاية لاتدرك ..

فاسوي اللي يريحني بدون لااضر غيري او يضرني

ومشكوره..

اقصوصه said...

happy new year

خديجة البهاويد said...

عفورة قلبي كل عام وانتي بخير ياقمر :**

والحجي الي قلتيه انا مؤمنة فيه وابصم عليه بالعشر
ظليت فترة من عمري اخاف كلام الناس مادري شالسبب
يمكن وراثة لان اهلي يخافون من هالشي بشكل مو طبيعي
بس الحمدالله تخليت عن هالعادة من زمااااااااااان وانا فخورة بهالشي

لان بالنهاية مو الناس الي بيدخلونا الجنة ولا النار
رضا رب العالمين ورضا الضمير والنفس هو اساس النجاح

يعطيج العافية عالموضوع الحلو ^_^

Sn3a said...

i DO Agree
life should be worth living

l ayam tetsarrab men bain a9ab3na
wel 3mr ymshee mara7 yntetherna

7aram ythe3 bs chetheee

ريمي said...

فتكن الحياة جريئة طالما
لا يتعارض ذالك مع الدين
دمتي بود

ولد الديرة said...

كل عام وانتي وهيلين كيلر بخير :)

نبراس said...

السلام عليكم ورحمة الله وبركاتة
:)

الدنيا لا نعيشها الا مرةً وحدة فأما نعيشها
صحيح ونكسبها واما ان نكون من المُتكئين ع مقاعدهم الى يوم المنية لا عمل ولا انجاز
اما بنسبة لدُرر كلير كثيراً ما تصيب بسهامها قلبي و تضيف عباراتها لحياتي رونق انجازي
,

مدونة جميلة وبوستات اروع
لا اخفيك تمنيت كثيراً لو انني لم اسمع تلك نغمات الموسيقى المُرحبة عند الدخول للمدونة والله خفت على ميزانك ان يكسب ذنوباً ,
فقد احببتك من كتيباتك اختي الغالية


وفقك الله
والله يعطيج العاافيه