Friday, June 12, 2009

مودي شعر

تحديـــــث
اليوم مودي شعر.. اتنقل من شاعر لي شاعر الكلمااات تعذب .. تذوب .. تعيشني الأحساااس جني انا ألي أحكي
طحت على اشعار فايق عبدالجليل وهذا عندي الشاعر نمبر 2 بعد بدر بن عبدالمحسن بس جد فايق عبدالجليل موووو صح مو صج يعور
القلب
مع كل بيت اتنهد ومع كل بيت احساااسي يعيشه
فايق بدع بدع بهل الأبيات
(( آخر زيارة ))
آخر زيارة ..
حسيت في آخر زيارة شي بعيونك مختلف ..وشي بحديثك مختلف
حتى حديثك مختلف
كنت بشكوك
وشفت الحقيقه في عيونك .. تعترف
موقف غريب .. موقف أبد ما ينوصف
وين الكلام .. وين الحرارة في السلام
كبير الفرق ما بين .. أول لقا وآخر زيارة
مدري شقول .. ياحب خانتني العبارة
مدري شقول .. والحر تكفيه الإشارة
كل شي حبيته في بيتك نساني
الهدوء .. الليل .. الصمت .. الأغاني
حتى لون الورد .. الفرحة ومكاني
داهمتني الغربة .. ليتني ما جيت
ليتني رديت
حزني غرّب ضحكتي
لساني ضيّع كلمتي
حسيت بالياس
ومشيت
كنت بشكوك
وشفت الحقيقة في عيونك .. تعترف
واااااي الكلمااات تعذب تعذب صح لساااانك
(( واحد من الناس ))
بكل طيبة العشاق اطلب ننتهي
سافر وغيب وننتهي
بتشوف ناس .. وتحب ناس وتنسى وأكون بدنيتك .. واحد من الناس
كنت أتصور إني لك .. وانته عارف منزلك
جدّت ظروف .. وعينك تشوف
صرت بصعوبه أقابلك .. صرت بألم اشتاق لك
سلمت .. انا مالي غير الصبر
آه لو تدري بعد هذا العمر إسمك إذا مرني .. يعطرني عطر
آه يا كل العمر
كون بمكاني وشوف عانيت شكثر
بتشوف ناس.. وتحب ناس وتنسى .. واكون بدنيتك واحد من الناس
وأااااااه يا كل العمر

(( ما يستاهل الثاني ))
فينا واحد بيلعب
فينا واحد يعاني
أعتقد فينا واحد ما يستاهل الثاني ..!
فينا واحد تمنى
يكون ظل لخليله
فينا واحد تجنى
الف ليلة وليلة
وأعتقد فينا واحد ما يستاهل الثاني ..!
فينا واحد تصبر
وعطّر الدنيا بطيبه
فينا واحد تنكر
للمحبة وحبيبه
وأعتقد فينا واحد ما يستاهل الثاني ..!
فينا واحد تغرب
عن حياته ومكانه
فينا واحد تمادى
حتى خان الأمانه
وأعتقد فينا واحدما يستاهل الثاني ..!
وبعد كل ما جرالي
منك ومن زماني
حس واشعر بحالي
صير انته بمكاني
وشوف منهو اللي فينا ما يستاهل الثاني
..!
لالالالا هالكلمااات بالصميم تعذب مو صج أأأأأأأأأأأأأخ ياااااقلبي
ومن أجمل إبداااعاته
(( خلنا اخوان ))
(1)
خلنا اخوان
هوانا كان ساعه من شهر نيسان
سفينه والبحر سكران
لوحه والمطر الوان
قصه كانت ومعنى
وهذا اليوم فوق الرف
لا معنى و لا عنوان
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
خلنا اخوان
خلنا اخوان
(2)
احبك .. اعـ ـ ـ ـ ! .. اهواك
كلام كنا نقوله سنين انا وياك
هوانا مغبّر ومجهول
هوانا ذايب ومسلول
انا ماكنت احبه يزول
انت وحدك المسئول
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
خلنا اخوان
خلنا اخوان
(3)
ياجرح الطفوله
يافرح حيران
ياكلمه بريئه مالمسها لسان
احبك .. اعـ ـ ـ ـ ! .. اهواك
واموت ودمعتى تبكى على ذكراك
يامصلوب على حدودي
احبك وانت معـ ـ ـ ـ !
بس فات اللى فات .. وراح
ولا يمكن بعد نرتاح
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
.خلنا اخوان
خلنا اخوان
(4)
جيت الحين متأخر
الورق الاخضر على الاشجار
صار اصفر
انتظارى طال
مااقدر بعد اسهر
الثمن عندك بعض كلمات
تكتبها على دفتر
والثمن عندى عذاب وموت
واحيانا يكون اكثر
شوف الفرق
لما انا احس الفرق أتحسر
اش تبى منى بعد اكثر
انا فى وسط واقع
وانت فى السما تحلم
كفايه ارجوك .. لا تسأل
اخاف اجرح شعورك .. لما اتكلم
مااقدر اوضح لك
مااقدر اقول اكثر
فى لسانى الكلام يموت
وفى عينى الهوى تابوت
خلنا اخوان
خلنا اخوان
(5)
انت ملوّع ومسكين
مثلى تايه ومسكين
لاتزعل
حنانك اروع واجمل
وهواك من الهوى اطول
انا اقدر
انكر كل شى فى الكون واتكبر
الا انت معاك
يابو جبين اسمر
ما اقدر ولا اقدر
اكذب لو اقول انساك مااقدر
حتى لو تمر الكلمه فوق لسانى تتكسر
مااقدر اوضح لك
مااقدر اقول اكثر
وفى لسانى الكلام يموت
وفى عيونى الهوى تابوت
خلنا اخوان
خلنا اخوان
(6)
عن اذنك
بروح البيت
طفلى هناك
ابوه غدار تزوجته غصب
وضاعت الحيله
وحيده اسهر
مع طفلى الوحيد
مع الليل ومواويله
شوف شصار
كنا صغار
وكبرنا وذبنا فى الدنيا
انت تلون الصفحات فى الاشعار
وانا احضن الذكرى واموت بنار
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
خلنا اخوان
خلنا اخوان
بدع بدع
كلماته تسحر
ملف فايق مليء بالابداع
هذول الاشعار احبهم و اموت فيهم جد عبر و وصل رسالته فيهم
ومن إبداعاته المعروفه
(( وهــم ))
وهم .. كل المواعيد
تعب .. كل المواعيد
باسم الحب .. باسم الشوق
مأساتي معاك تزيد
واتم بعيد .. وتتم بعيد
واتم مثل الحزن .. انطر سحابة عيد
اجي ملهوف .. عطش تحت المطر ملهوف
وقتي يطوف .. لوني ضايع ومخطوف
يضيع الشارع بصمتي
وصمت الانتظار سيوف
وكل ما مر وهم صوبي .. اقول انتي واتم بعيد
ألم .. كل ساعة .. وكل لحظة ألم
وين عيون حبتني .. ومنتني؟؟
وقالت لي نعم
تلاشت فرحتي .. وتاهت خطوتي
وحلمي كبير .. في لحظة انهدم
وكل ما مر وهم صوبي .. اقول انتي
واتم بعيد .. وتتم بعيد
واتم مثل الحزن .. انطر سحابة عيد
الود ودي أنزل كل اشعاااره
جد كل قصيده تحمل ألم و وجع قدر يعيشنا فيه
واااايد اشعااار ودي احطها بس مااابي اثقلها عليكم :P:P
ومنها سالفة صمتي اقروها تينن
و عطني الحل
و بيني وبينك
و نساي
و وااااااايد
فايق ربي يرحمك و يجعلك ان شاء الله من أهل فردوسه
ما ترس عيني شعر مثل شعرك انت و قله من المبدعين
-----
سؤااااال ؟؟؟
ماتيلكم عراااات ؟؟؟
من أقرا شعر اشتهي اتغزل بحد
أمي ماتعطي ويه و ابوي يضحك من اتغزل فيه و يتبوووسم
وينطر اخر التغزل ويسأل جم تبين ؟؟
هااااا مااابي بس بقووول
أحووووبكم
;D
----
خارج النص
;PpP
منو يعرف ورش و دورااات تعليم التصوير بالكويت
أسعفوني يا أهل الخير
;D

26 comments:

dalal said...

صج مبدع
القصيده الثانية ما يستاهل الثاني كلماتها وفكرتها أساسا خيال

اختيارات موفقه :)

واحد من الناس امغنيها جنه أصيل صح ؟؟
أحب كلمة ,,, إسمك إذا مرني .. يعطرني عطر
:)

لأن فعلا في ناس بحياة أي شخص فينا من كثر مواقفهم الطيبة وذكرهم الطيب ذكراهم يعطر عطر والله

سعيدة اني أول من يعلق :)

Makintosh said...

ماعليه كلام الشاعر فايق عبدالجليل
احساسه روعه وصادق وهذا اهم شي في الشعر

الشعر متنفس للانسان :))

هذي مشكله اهلنا لما بنقولهم كلام حلوو يقولون ها شنو تبون ههههه بس لا انا امي متعوده علي :)

مشتـــاق said...

اختي عفراء ..
فائق عبدالجليل .. لم اكن اعلم ابداً أنه كويتي .. احساسه في الكلام البسيط عالي جداً ..
اذكر حينما بكى عليه عبادي الجوهر في اغنيته "عطشان" .. كلمات ملئى بالإحساس .. ومغنى فاض إحساسه عليه
http://www.youtube.com/watch?v=tBC6k3Xd8m8

=================

تراني مملوح وحليييييييييييوه اذا ودك تتغزلي فيني .. سوي معروض وقدميه ويمكن اوافق <<<<<<<< عيب الثقة اذا زادت في النفس هههههههههه

عفره said...

دلال:
يا هلا ومرحبا فيييج
فينا واحد ماايستاهل الثاني تينن
اموت على كلماتها
و صاااجه واحد من الناس اغنيه لاصيل
غناها بشكل و لا اروع

ويسعدني جدن انج اول كومنت

عفره said...

ماكنتوشه :
ربي يحفظ لكم امكم و يخليها لكم يارب
و صاااجه كلام عبدالجليل ما يختلف فيه اثنييين

عفره said...

مشتاث:
الله عليه عبااادي وصلها وصلها وزادها على حلاها حلى
عطشاااان اسمع يانهر عطشان عطشان
عمر الصحاري والجفا
عمري انا ما مر على عمري مطر

اللــــــــــــه علييييك عبااادي

---
لووووووووووووووووووووووووووووووووووول
متى تفتح باب التوظيف عشان اقدم اوراقي
:P:P

خديجة البهاويد said...

عجييييييييييييييييب
واي جد جد دخت هههههههه
جان حطيتي الباجي ما مليت :q

ReLaaaX said...

عفوووووووره انتيييييييي تحفه ماحصلتش ;p


الحين مشتطه واقرا واتعبر مرات ويوم قريت فصلتج ضحكت


الورش نسأل لج ان شالله وارد لج خبر :)))


بالتوفيييق

ReLaaaX said...

عفوووووووره انتيييييييي تحفه ماحصلتش ;p


الحين مشتطه واقرا واتعبر مرات ويوم قريت فصلتج ضحكت


الورش نسأل لج ان شالله وارد لج خبر :)))


بالتوفيييق

ReLaaaX said...

عفوووووووره انتيييييييي تحفه ماحصلتش ;p


الحين مشتطه واقرا واتعبر مرات ويوم قريت فصلتج ضحكت


الورش نسأل لج ان شالله وارد لج خبر :)))


بالتوفيييق

esTeKaNa said...

قمة الذوق
:)
انا اعشق واحد من الناس
شكرا استمتعت بهذا البوست
:)

ولد الديرة said...

الله يرحمه

Q8EL5AIR said...

تصدقين اول مرة اقراله ..

روووووووووووووووعة :)

بس مايصك على بوشداد عنترة :)



تغزلي بروحج .. اهم شي في الحياة تقدير النفس .. انا اسويها مرات :)



كلش مالي بالتصوير !!


وتحياتي ..
ويسلمواااااااااااااااا :)

عفره said...

خدوي:
وااااي عجيب شويه عليه
يعقد اينن يخبل :P:P
ودي خدوي بس بطول السااالفه و اهيا قصيره << شكو :P:P

عفره said...

ريلاااكس:
بعد عمري انتي ماااااتقصرييين يااااليت والله تسعفيني حبيبتي انتي :**

عفره said...

استكانه :
حيااااج الله حبيبتي بمااي هوووم اول شي بعزمج على استكانة جاااي تسلفتهم من يور بلوووق ;PpPp
انا استمتعت اكثر بزيااارتج :**

عفره said...

ولد الديره :
اميييين ويرحم جميع اموات المسلمين

عفره said...

كويت الخير:
رووووعه شويه عليه
احب اشعاره
عنتره بو شداااد مااا يمشي معاااي ما افهمله مااا احب الشعر الفصيح للحين ماااا هبيت فيه اذا هبيت في اول واحد بسأله انت
;PpPp
مو مقصره مع رووووحي كل شي ألا روحي اتغزل بنفسي و ابووووس المناظر بعد
بس المشكله لا انفعلت بالغزل يطلع غصبن عني ;D

Fishah said...

اتصدقين انا بعد يحوشني هالشعور .. اني لما اقرا كلام ..احس اني محتاجه اقوله حق احد .. وحتى ساعات بعض الاغاني تخلي هالشعور اييييني غصب :<

اممممممممممم .. شوفي انا مره كنت رايحه بيت لوذان بشترك بدورة تصوير عندهم .. جيكي عليهم :>

عفره said...

فيشه:
حيااااااااااج الله بماي هوووم ;)
اشوووه يعني مو بس اااااناااا ;D
والله فيه بيت لوذااان باااجر اروحله و اشوووف مشكوووره حبيبتي ما تقصرين

رورو الشخبوطه said...

السلام..

ماشاءالله..

احب المتميزين ان شاءالله نكون منهم..

ع طاري الشعر رفيجتي شرت كتاب خخ غصب احببج بالقراءه عن الشعر ومقسم ع اساس المناسبات يعني كل مناسبه مثل الحزن او الفراق له مجموعه من الابيات اللي مختصه فيه لمختلف الشعراء وايد عجبتني فكرته..

وبالنسبه لدورات التصوير جنه فيه بيت لوذان..

وموفقه يارب خيتو..

ريــــــانــه الـعـــــود said...

ااااااااخ يبتيها بالصميم

حطي بدال اعـ..؟

اعشقك ;)

لول احلى صح ؟

مزاجج عجييييييب

علي الملا said...

عفرة خااااااااانم وين هالغيبة ؟؟؟؟

عفره said...

رورو شخبوووطه
لااااا انا من بلوقج حبيييييت القرأه
خصوصا انا احب الروايااات
بس مشكلتي الوحيده ما اكمل الكتاااب
:P:P

عفره said...

ريااانه
لوووول اي اكيد احلى
و الاحلى وجودج

عفره said...

علاوي
كااااااااااني هنييي
:D