Sunday, December 13, 2009

More Than I Can Say








صبـــــاح الخير


و اخيرا قررت اني اكتب بوست بعد غياب شهور
صارلي فتره افتح البلوق و اروح نيو بوست و اكتب جم حرف و اكنسله عقب
واقرر اني ما انشر شي جديد اليوم
لكن اليوم قررت و حلفت اني اكمل البوست و انشره
ولهت عليكم وفقدكم واااااايد


------


الجو هاليومين مووووو صج
يبجي
جو لندني
جو حب
جو رومنسي

:::

بنت خالتي تقول: لو كل العالم تحب انتي ماتحبين


!!


تقول انها تحس اني مو مال مشاعر و حب و رومنسيه


!!


ليييش حراااام عليييج
صحيح انه فيني عراااات
بس لا جيت اتغزل اطلع احسن من عنتره
و احب اكثر من روميو

وحتن سألي امي :P:P:P


تبووون الصج ؟؟
مااا احس بالحب و الانتماااء
و يجني شعور الحب صج صج
الا بالشتاء


يصير بخاطري حبيب
و لا جا الصيف مااا يشوف شر


:D :PpP




امس الجو يبجي مو صج
الهوااا يسحر
و ريحة المطر تخدر
لما طلعت من الكوفي الي كنت قاعده فيه
اشتهيت اني اسوي مثل ايام الطفوله
ارفع ايدي و ادووووور
و سويتهااا
بوسط الشاااارع
و بوسط السيارااات
وبين الناااااس
ماااا همني احد
ولا فكرت بحد
ولا نطرت احد يمنعني

ياااا نااااس الشعوووور غييير
مو طبيعي
رشرشت المطر ريحته و الهواااا الابدااااع
سحرني


قعدت ادوووور
و ابتسم
ادوووور و ألم المطر
ادووووووور و عيوني مسكره
و استنشق الهوااااا و ريحة المطر

بنات خالتي يصيحون ياااا مجنونه

وانا اصيييح كيييييفي ابي اعيييييييييييييييييش
ابي ألعب
ابي ارد طفله
ابي ادووووور
ابي احس بالمطر
و ابي اعيش الجو

فتحت عيني وكنت اظن اني المينونه الوحيده الي بتعيش الجو بجنون

و لقيت نفسي وااايد
فتحت عيني و صااادف بنفس المكان انه في مجانين اثنين

لكن العمر يفرق بواااايد
كنت انا مجنونه شابه
و اهوا كان مجنون شااايب
كنت اظن انه الي سويته جنوني
و سط الناس ادوووور
و طلع الي سواااه اكثر مرح و جنون
!!

واقف على حافة الرصيف يمشي باطراف اصابعه و يطمر رافع ايده
شااايب عمره يمكن فوووق 70
ويبي يعيش الجو بس بطريقته

:::

حسدته انه قدر يسوي جذي
و غابت عني الفكره
و ضحكت انه في مثلي مجانين

:::

14 comments:

رورو الشخبوطه said...

ولكم باك..

الجو عجيب ماشاءالله..

بس امس فطست من الحر بنت ابوي لابسه بلوفر بورقبه وحاطه سكارف بعد وشرب هوت جوكلت :\

خخ..

وعيشي حياتج ..

ومرسي..

Noor said...

عفره

لانشعر بحلاوة الدنيا بدون جنون

الفرق بين الذكاء والجنون شعره
:)

انصحج تستمرين بفصل الجنون لمي يخلص الشتاء
ويوم شفتي الشايب جان ناطه معاه
وتخيلتي نفسج اتصورين فيديو كليب اواخر الشتاء لاليسا
:pPp

عفره said...

شخبوطه :
حياج الله حبيبتي
الله يهداج قلنا الجو بااارد بس ماقلنا انه بصقيع
بلوفر بو رقبه مااا اشتهيه احس هذا لثلووج وبس
لابسته مره وحده و اختنقت حسيت احد زانطني

عفره said...

نور :
لوووووول اتخيل نفسي بديرفه و اهوا وراااي يدزني
كاااااك لابلااااه بطلنا حوووب

Q8EL5AIR said...

والله هالجو يخلي الي مومال حب يحب ! :)


اذا بتصيرين مينونه مره ثانية قوليلي قاعد افكر صارلي يومين اصير مينون بس ثقلت شوي :)




وتحياتي ..
ويسلمواااااااااااا :)

عفره said...

كويت :
لووووول لا ما اقدر اقولك اتسبب فيك و تدعي علي بعدين
ما انصحك :P

اقصوصه said...

لوووول

عيبتني سالفة حبيب فالشتا بس

هههههههه

انتي فنتك :)

Paris said...

صج هليام الجو حده عجيب و حلوو

حتى اني اول مره اشوف بردي بالبحرين لوول

Fishah said...

اي احب هالجو اللي موبارد يكسل

وبعدين صاجه اضم صوتي لصوتج هالجو يخليج رومانسيه :)

عيشي جنونج ولاتخلين شي بخاطرج

:)

ريمي said...

السلام عليكم
اود الجنون اذا كان هكذا
حب وفرح ومطر
تقبلي مروري

عفره said...

اقصوصه :
تسملين حبيبتي
واايد فرحت بوجودج

عفره said...

باريس :
وااااو ياكم بردي
يااابختكم
انتبهي لراسج حبيبتي منه >> تبي منه :P

عفره said...

fishah :
والله عيزت وانا اقول اني مينونه و كيفي محد راضي يخليني بحاااا لي :P:P
اشكرج حبيبتي :***

عفره said...

ريمي :
يا هلا ومرحبا فيييج
اي والله الجنون مع المطر لهم علاقه طرديه
و الهوا البارد الحلو
يعيشني الجو اكثر و اكثر