Thursday, April 16, 2009

cup cake





بعد غيمة الكسل ألي حايشتني و مسببه لي أزمة لي درجة أني مأجله كل امتحاناتي من الكسل و العيازه
قررت و عزمت أني اصارعها بكل و شتى الوسائل و الطرق
قررت أتسبح باليوم 4 مرات وصرت مع كل شور تصكني نومه ف قلت لخدمتنا من أطلع من الحمام ابي دلة قهوه جدامي وزط من هالقهوه لما صرت ما أنام الليل
والنهار كله نايمه مما أدى إلى غيابي بكل محاضرتي و تعطل كل مشاويري
ثاني خطه لي قررت ادور لي هوايه يديده و ابدع فيها و احترف لعله و عسى شغلي و تفكيري فيها يوخر عني هالكسل
طحت بالكب كيك كل يوم مسويتلي كب كيك بتقولوون وين الهوايه هني بقولكم الهوايه بالكريمه راسي و ألف سيف ألا ابدع بالكريمه و اعرف شلوون يسونها الطباخيين و الشيوووف بختصااار بعرفها بمهاره ؟؟؟
ابي ألي يشوفها يسألني من وين شاريتهم .. ابيها ألوااان اصفر احمر برتقالي وردي .. ابيها ابداااع على اشكاااال ورده , فراشه, موج
ابي ارسم بالكب كيك .. طايحه باليوتيب اشوف سواتهم بالكب كيك و جابلت المطبخ وكل يوم طبخ بالكب كيك و حوسه بالكريمه أول مره ما ضبطت معاي و طلعت عصير مو كريمه ثاني مره هم ماضبطت معاي من حطيت الكريمه على الكب كيك ساااحت و خرب شكلها ثالث مره جبتها ضبطتها وهياااااااااااااااااا عاااشت عفوره و مستانسه أتنطنط الألوااان زوووقه و ابدااااع كل كب كيكه على شكل ألي يشوفهم وده ياكلني معاااهم من كثر ما شكله حلو
قعدت افتر فيهم في البيت واقولهم شوووووووووووووووووفوا عفوره شسوت عفيه علي انا
اقعد عند ماما واقولها شوفي بنتج وابداعاتها وامي تقول الحمدالله و الشكر
مديت ايدي ببدي اذوووق طبخي و سواتي ويااااااااااااليتني مااااذقت يخيييييييييه الله يديم النعمه صاااج المثل ألي يقول من بره هلله هلله ومن داخل يعلم الله
الكيكه حلوه وضابطتها لكن الكريمه وييييييييييييع الله يديم النعمه كلها زبده وشكر
ورجعت للمطبخ احووووس و التجارب للحين قائمه
أبي هالعده منو يعرف وين احصلهم ؟؟؟؟؟؟؟
مركز سلطان وكارفور و سيتي سنتر دورت ولا لقيييت

ألي يعرف بلييييييز يسعفني ويقولي



13 comments:

Bloggerista said...

7arakat el cupcakes ya 3afoora ;*

teslam 2eedich :)

رورو الشخبوطه said...

خوش انا امر بمرحلة ادور لي هوايه :)

بس حرام داومي احس في دكاتره الدوام مهم وياثر ع قريدج..

وبالنسبه للكب كيك استمري بالمحاولات وان شاءالله تضبط..

تسلم ايدج يارب..

ساره النومس said...

وناسة حدي جعت لوووووووول

Paris said...

مسكينة يا عفورة :(

اكيد يعني من البداية ما يصير طعمه حلو

بس انتي حاولي كل مرة وبيطلع طعمه حلو

بس يعني الي في الصور شكله يشوق

Don Juan said...

looking yummy ;)

عثماني said...

حاولي

حاولي

راح تظبط

:)

مدونه جميلة اكتشفتها للتو

:)

عفره said...

بلوقرستا :
عيل شعبالبج عيل :P:P
طنكيوووو ;)

عفره said...

رورو:
ياهلا ومرحبا
سوري ما شفت ردج الأول بالبلوق وايد استانست لزيارتج الثانيه :**
ايييي خلااااص لازم ألحق عمري ولا بيصير مالا يحمد عقباااه

انصحج بهواية الكيك واااااااااايد ممتعه :P:P

عفره said...

طموحه :
مدي ايدج ولا يردج ألا لسااانج بس ان ما عجبج ماااااااااااالي شغل انا من اول نوهت و نبهت انه تجربه من حقل تجاربي :P:P

عفره said...

paris
حييييييل مسكينه حالتي مأسااات
اي حبيبتي ولا يهج قاعده احاول واسعى لما تطلع بيرفكت
مااا استسلم بسهوله انا ;)

عفره said...

دون:
لوكنق يمي بس ان ذا فاااكت الله يديم النعمه :P:P

عفره said...

عثماني:
عاد انا سابقت كاشفه بلوقك من ايام الغوص على اللؤلؤ :P:P

The.One said...

الكب كييك شكله يشووووووووق
وبغيت اسالج اذا تسويين اوردر


بس شوي خرعتينــي بالنهايه :d
طلبيهم من النت تحصلين وايد اشكال